Prokuroria e Tribunalit të Hagës ka vlerësuar se ish-presidenti i Republikës Serbe të Bosnjës, Radovan Karaxhiq, do të duhej të dënohej me burgim të përjetshëm nëse gjykohet për pjesën më të madhe të krimeve.
Në një deklaratë të shkruar, prokuroria e quajtur Karaxhiqin udhëheqës politik dhe ushtarak të serbëve të Bosnjës dhe forcave të tyre gjatë luftës të viteve 1992-95.
Në Tribunalin e Hagës, të hënën më 29 shtator, fillon procesi i deklarimeve përfundimtare në gjykimin e Karaxhiqit, proces që ka filluar më 26 maj të vitit 2009. Karaxhiqi, aktualisht 69 vjeç, akuzohet për gjenocid në Srebrenicë kundër myslimanëve dhe kroatëve, dhe jo vetëm në Srebrenicë, por në tërë Bosnjën.
Pas shpalljes të ashtuquajturës Republika e popullit serb në Bosnjë dhe Hercegovinë, më 9 janar të vitit 1992, Karaxhiq u emërua kryetari i parë.