Presidenti i Turqisë, Recep Tayyip Erdogan, njoftoi të premten se do të lehtësojë masat kufizuese anti-Covid, duke filluar që nga java e ardhshme.
“Do të fillojmë zbatimin e kalendarit drejt normalizimit, që nga dita e hënë,” tha Erdogan ndërsa drejtonte një takim virtual të Partisë Drejtësi dhe Zhvillim (AK).
Kufizimet do të lehtësohen deri në fund të majit duke u hapur ndjeshëm në muajin qershor.
Ai vlerësoi institucionet e kujdesit shëndetësor të vendit dhe sistemin e sigurimeve shoqërore për parandalimin e një krize.
Turqia deri më tani ka regjistruar 44 mijë e 59 vdekje nga Covid-19, ndërsa mbi 4.85 milionë njerëz janë shëruar nga pandemi. Ndërsa ka pasur mbi 5 milionë raste të konfirmuara në vend.
Sipas shifrave zyrtare, Turqia ka administruar mbi 25.6 milionë vaksina nga coronavirus që nga fillimi i fushatës së vaksinimit masiv, në 14 janar.
Më shumë se 14.8 milionë njerëz kanë marrë dozat e para, ndërsa mbi 10.7 milionë njerëz janë vaksinuar plotësisht.
Turqia ndodhet në kufizimin 17-ditor, që do të zgjasë deri më 17 maj, me qëllim mbulimin e festës së Fiter Bajramit.