2.8 C
Prizren
E enjte, 7 Dhjetor, 2023

Turqit në Prizren: PDK-ja keq na ka mashtruar

OLYMPUS DIGITAL CAMERANënkryetari për komunitete i Komunës së Prizrenit, Orhan Lopar, pas katër vjetësh të bashkëqeverisjes në nivel lokal me Partinë Demokratike të Kosovës është shprehur i zhgënjyer me partnerët politikë për shkak të mospërmbushjes së pikave të marrëveshjes së koalicionit.

Ai thotë se me premtimin për dhënien e letërnjoftimeve dhe dokumenteve të regjistrimit civil në gjuhën turke PDK-ja i ka mashtruar njëherë turqit e Prizrenit dhe se të njejtën gjë nuk do të mund ta bëjë në të ardhmen.

“Pika e parë e marrëveshjes së koalicionit PDK-KDTP ka qenë dhënia e letërnjoftimeve dhe ekstrakteve të lindjes në gjuhën turke. Për fat të keq kjo pikë e marrëveshjes nuk është realizuar. Ndërkohë dy vjet më parë ne kemi realizuar një peticion, kemi grumbulluar nënshkrime, i kemi dorëzuar ato te institucionet, por kjo kërkesë nuk është marrë parasysh. Nëse kjo ka qenë lojë për të marrë votat e turqve në Prizren, atëherë i bie se PDK-ja keq na ka mashtruar”, ka thënë Lopar, shkruan Koha Ditore.

Ai ka theksuar se në kohën e nënshkrimit të marrëveshjes ka qenë i ri në politikë dhe e pranon se gjatë katër viteve të kaluara ka marrë mësime të shumta.

“ Nuk do të mund të na mashtrojnë përsëri” ka deklaruar Lopar. Ai ka fajësuar edhe turqit të cilët sipas tij, nuk kanë bërë sa duhet për të mbrojtur të drejtat e tyre.

Më Shumë

Trembëdhjetë raste të reja me HIV/AIDS në Kosovë

Dita ndërkombëtare e luftës kundër HIV/AIDS-it e gjen Kosovën me 13 raste të reja të personave të prekur me këtë virus gjatë vitit 2023. Shefi...

Kush është ish i burgosuri “i rrezikshëm” që u kap sot për grabitjen e argjendarisë në Suharekë

Një i vdekur, një i plagosur e dy të arrestuar është bilanci i operacionit të sotëm policor për rastin e grabitjes së armatosur në...

Lajmet e Fundit