Mike Tyson është boksier i pensionuar me më shumë se 50 vite, por fuqia e duarve të tij nuk ka humbur kurrë dhe në një stërvitje, ai për pak nuk i ka thyer gojën trajnerit të tij.
Tyson ka postuar në llogarinë e tij në Instagram momentin kur godet, Rafael Cordeiro-n në gojë gjatë stërvitjes.
Tyson shkroi në përshkrimin e videos: “Kur luan me zjarrin përfundimisht do të digjesh. Më falni për këtë”.
Seriali kushtuar Mike Tyson, që detajon jetën e ish-kampionit të boksit në peshën e rëndë, pritet të dal së shpejti, pasi tashmë trailer-i është publikuar.
Shfaqja do të nxjerrë në pah momente në jetën e Tyson-it, që nga ditët e tij të trazuara si i ri duke u rritur në New York, deri në stërvitjen e tij magjike nën Cus D’Amato, rrugës për t’u bërë grushtuesi më i frikshëm në historinë e boksit të peshave të rënda.
Mike Tyson ka thënë se ai nuk ishte adhuruesi më i madh i shijes së veshit të Evander Holyfield, 25 vjet pasi e kafshoi atë në ring.
Incidenti bëri bujë në atë kohë dhe është një nga gjërat për të cilat Tyson është më i njohur edhe sot, pavarësisht karrierës së tij të pabesueshme si boksier.
Gjatë një interviste në radio me Alex Jones, Tyson po përtypte një nga ‘Mike Bites’ e tij të njohura, gomat e kanabisit, të cilat janë në formën e veshit të kafshuar të Holyfield.
“Ka shije më të mirë se veshi i Evander”, tha Tyson.
“Veshi i Evander Holyfield ka shije të keqe”.
/Albanianpost.com