Filmi që mori vlerësime nga kritika e kinematografisë, “The Wolf of Wall Street”, ka një histori më të komplikuar se kaq. Madje lidhja bëhet dhe me Shqipërinë. Nuk e besoni? Jo Leonardo Di Caprio, ai i vërteti nga ku bazohet historia që i mori mendjen mbarë botës.
Në një letër e hapur i është drejtuar Martin Scorsese-s duke e akuzuar për glorifikimin e keqbërësve dhe mashtruesve në filmin “The Wolf of Wall Street”. Ajo është Christina McDowell, vajza e partnerit të biznesit të Jordan Belfort, i cili interpretohet në film nga Leonardo di Caprio.
Babai i saj është Tom Prousalis dhe ajo rrëfen në letrën e saj të hapur se ka ndryshuar mbiemrin pasi zbuloi se i ati kishte përdorur emrin e saj për të pastruar para, përpara se të burgosej për mashtrim. McDowell zbulon se krimet e të atit e kanë përballur atë me borxhe prej qindra mijëra dollarësh. Ajo vazhdon duke shtuar se babai i saj aktualisht bën biznes me qeverinë shqiptare dhe është martuar me një përkthyese shqiptare 30-vjeçare. “Këta tipa bien gjithnjë në këmbë, edhe atëherë kur rrëzohen”, thotë ajo në letrën e saj të hapur.
Në letrën e hapur të botuar në LA Weekly, ajo kritikon mesazhin që përcon filmi tek gjenerata e re.
“A e keni menduar ndonjëherë kur menduat të krijonit këtë film, mbi mesazhin kulturor që përcon tek të rinjtë. Ju me sukses keni ngritur në piedestal një kriminel që ende nuk ka dëmshpërblyer viktimat e tij. Dhe mos më bëni të flas për mesazhet anti gjinisë femër që përcon ky film, dhe kujt ia përcjell këto mesazhe, gjeneratës së re të djemve”.