Rektori i Universitetit “Ukshin Hoti”, Ramë Vataj, i shoqëruar nga Prorektori për Marrëdhënie me Jashtë, Sadik Idrizi dhe bashkëpunëtorë të tjerë, ka vizituar Universitetin “Luigj Gurakuqi”, ku është takuar me Rektorin, Adem Bekteshi dhe strukturat të tjera drejtuese të këtij universiteti.
“Në këtë takim është diskutuar për mundësinë e vazhdimit të bashkëpunimit në mes të dy institucioneve në fushat e interesit të përbashkët. Posaçërisht u diskutua për bashkëpunim në shkëmbimin e stafit në lëndët deficitare, ndarjen e kuotave të doktoratës për UPZ, organizmin e programeve të përbashkëta të nivelit master dhe të doktoratës , pjesëmarrje në projekte të përbashkëta ndërkombëtare, etj.”, thuhet në njoftim të UPZ-së.
Deri më tani UPZ dhe ULG kanë pas bashkëpunim të mirë, sidomos në realizmin e programit të përbashkët të nivelit Master, në Trashëgimi Kulturore dhe Menaxhim në Turizëm, i cili është financuar nga Komisioni Evropian në kuadër të Projektit “Tempus”. /PrizrenPress.com/