Universiteti “Ukshin Hoti” në Prizren dhe Universiteti “Fehmi Agani” në Gjakovë të enjten kanë lidhur marrëveshje bashkëpunimi.
Marrëveshjen përkatëse e kanë nënshkruar rektorët e të dy universiteteve, Ramë Vataj në UPZ dhe Shaban Buza, rektor në UGJ.
Në bazë të marrëveshjes universitetet do të shkëmbejnë kuadro shkencor-mësimor, për të mbajtur mësim apo ligjërata të veçanta në të gjitha nivelet e studimeve. Gjithashtu do të shkëmbehen edhe studentë dhe do të organizojnë aktivitete të përbashkëta në fushat përkatëse. Universitetet do të bashkëpunojnë edhe në fusha të tjera të interesit të përbashkët.
Rektorët e të dy universiteteve e vlerësuan lartë arritjen e kësaj marrëveshje dhe u zotuan se do të kujdesen për jetësimin e sajë. /PrizrenPress.com/