Universiteti “Ukshin Hoti” në Prizren ka lidhur marrëveshje për bashkëpunim me Universitetin Nacional në Chungnam të Koresë, Fakultetin e Agrikulturës dhe Shkencave të Jetës, Divizioni i Shkencave të Kafshëve/ produkteve të qumështit.
Marrëveshja është nënshkruar nga Rektori i Universitetit “Ukshin Hoti” në Prizren, Prof. Asoc. Dr. Ismet Temaj dhe nga Dong Il Jin, Ph.D. Dekan në këtë fakultet.
Marrëveshja është lidhur të hënën gjatë vizitës që po zhvillon rektori Temaj në Kore.
Në marrëveshje parashihet shkëmbim i profesorëve, studentëve, trajnime të stafit administrativ, studime të përbashkëta, përkrahje të UPZ, sidomos për Fakultetin e Shkencave të Jetës, drejtimin e Agrobiznesit në UPZ.
Rektori Temaj ishte i shoqëruar nga profesori i UPZ, Prof. Asoc. Dr. Shukri Maxhuni dhe z. Përparim Avdullahu, përkthyes në UPZ.