Vandalët kanë lyer me bojë një skulpturë kontroverse të Anish Kapoor, të ekspozuar përpara Versajës në Francë.
Vandalizimi u zbulua të mërkurën dhe punimi po pastrohet.
Kapoor tha se incidenti është një tragjedi.
Instalacioni është cilësuar si “vulgar” dhe “trashanik”.
Kapoor kishte deklaruar për mediat franceze se instalacioni ka domethënien e “vaginës së Mbretëreshës duke ardhur në pushtet”.
Megjithatë më vonë ai tha se punimi është i hapur për interpretim.
Pallati i Versajës ka qenë shtëpia e Marie Antoinette, Mbretëresha e Francës në shekullin e 18-të.
Kapoor është fitues i disa çmimeve dhe punimet e tij janë ekspozuar në vende të ndryshme në botë. /KultPlus.com/