Në kuadër të shënimit të 9 Majit – Ditës së Evropës, Kolegji ISPE ka prezantuar të gjeturat e një hulumtimi shkencor mbi faktorët që kanë ndikuar në ikjen ilegale të qytetareve të Republikës së Kosovës për në vendet e Bashkimit Evropian.
Studentja e Kolegjit ISPE, Delvina Rexhepi, tha se ideja për realizimin e një hulumtimi të tillë ka ardhur si pasojë e të qenit dëshmitar dhe vrojtues i të fenomenit të ikjeve masive të qytetarëve të Kosovës nga vendi, në nje kohë kur vendi tani me është i Pavarur.
“Situata e krijuar na ka shtyre qe nje grup i studenteve Master nga Kolegji ISPE të merret seriozishtë me faktoret qe kanë ndikuar në ikjet ilegale”.
Sipas statistikave të prezantuara nga Petrit Gashi qe ishte edhe Koordinator i projektit tha se, në këtë hulumtim janë përfshirë 315 respodent, me rreth 11 komuna të Kosovës. Sipas këtij hulumtimi varfëria, mungesa e perspektivës dhe zhvillimi i ultë ekonomik janë faktorët kryesor që kanë detyruar qytetarët e Kosovës të ikin nga vendi, e disa nga ta t’i lënë edhe vendet e punës për të kërkuar një jetë më të mirë për fëmijët e tyre.
“Rreth 57 për qind e të anketuarve sipas këtij hulumtimi thonë se kanë humbur shpresat se në Kosovë do të bëhen ndryshime pozitive, në të mirë të qytetarëve të vendit, ndersa nje pjese e tyre ende besojnë se është nje politik e fshehtë e BE-së pasi ende kanë nevojë per fuqi punëtore”, tha ai.
Po ashtu pjesa më e madhe e të anketuarve e konsiderojnë Gjermaninë si destinacionin më të preferuar për migrim, derisa shtetet tjera të BE-së janë më pak të preferuar për qytetarët e Kosovës. Të anketuarit po ashtu kanë fajësuar Qeverinë e Kosovës se nuk ka punuar në parandalimin e ikjeveilegale, madje ka qënë vet e përfshire në të, përderisa konsiderojnë se shkalla e lartë e korrupsionit, instituicionet jostabile, sundimi i ligjit, mosperspektiva e të rinjeve janë faktorët kyç që po shkaktojnë vonesa në procesin e liberalizimit të vizave për qytetarët e Kosovës.
Disa nga të anketuarit liberalizimin e vizave e shohin si mundësinë më të madhe për të punuar në vendet e BE-së dhe për të kerkuar azil, ndersa nje pjese e te anketuarve janë të gatshme të shesin pasuritë e tyre per të dale ne menyre të sigurtë ne vendet e BE-se duke kerkuar nje jete me te mire. Sipas këtij hulumtimi të anketuarit janë të bindur se zhvillimi ekonomik, hapja e vendeve të reja të punës, janë disa nga faktorët që parandalojnë migrimin ilegal të qytetarëve drejt vendeve të BE-së./PrizrenPress.com/