Armenda Aliu mbeti e vrarë nga 15 plumbat e shtënë nga bashkëshorti i saj.
Ajo u vra të martën, rreth orës 23:00, në rrugën “Hysni Morina” në Prizren nga burri i saj.
Ndërsa, sot, shumë familjarë, miq e të tjerë, janë mbledhur në varrezat e Podujevës, për t’i dhënë lamtumirën e fundit, të ndjerës që u vra në Prizren.
Ky krim tronditi mbarë opinionin, duke bërë thirrje për ngritjen e vetëdijes ndaj dhunës dhe vrasjeve të grave, për të cilat pati reagime edhe nga politikanët.
Burri i të ndjerës pasi kishte vrarë bashkëshorten, e kishte lajmëruar policinë dhe vëllanë për krimin makabër.
Më poshtë, pamje nga varrimi i Armenda Aliut në varrezat e Podujevës, te xhamia e vjetër.
