Fatmir Kuçi, i dyshuar për vrasjen e turistit rus Denis Kaimov, në plazhin e Himarës, është liruar nga burgu.
Gjykata e Apelit Vlorë vendosi sot masën e sigurisë “detyrim paraqitje” ndaj tij, me argumentin se nuk ka prova që të vërtetojnë se turisti u dëmtua nga skafi i biznesmenit në zonën e Potamit në Himarë.
Avokati i Kuçit është shprehur në gjykatë se klienti i tij thjesht e ka ndihmuar turistin rus dhe nuk ka kryer asnjë vepër penale.
“Nga aktet rezulton se ky shtetas, pasi konstatoi të dëmtuarin në det, k ndaluar mjetin e tij, e ka kthyer dhe i ka shkuar në ndihmë, si dhe u ka kërkuar ndihmë personave që ndodheshin në një mjet lundrimi pas tij dhe së bashku me një tjetër person, kanë mundur ta hipin në mjetin e tij të dëmtuar dhe ta sillnin në mol. Ai ka lajmëruar zv.shefin e kufirit të Himarës, Hekuran Muça, për ngjarjen”, tha avokati.
Më herët, Gjykata e Shkallës së Parë e Vlorës vendosi masën e sigurisë “burg me afat 20 ditë”,
edhe pse Prokuroria kërkoi 30 ditë burg.
/D.Xh/