Policia e Kosovës ka njoftuar për një vdekje të dyshimit në Spitalin e Prizrenit.
“ Viktima është dërguar në tretman mjekësor në Spitalin Rajonal ne Prizren. Derisa viktima ka qenë në tretman mjekësor ka ndërruar jetë”, njofton PK-ja.
Me urdhër te prokurorit trupi i pa jete dërgohet për obduksion.
Ndërkaq, dje ka njoftuar KMDLNj në Prizren se në Spitalin e Prizrenit ka ndërruar jetë Musa Kryeziu nga Mleqani i Malishevës,i paraburgosur në Qendrën e Paraburgimit në Prizren.
“I ndjeri me 02.04.2015 ka qenë prezentë në seancë dhe pas seancës është sjellë në dhomën e tij në Qendrën e Paraburgimit, pa asnjë shqetësim. Ndërkohë, po të njëjtën ditë rreth orës 11.50 ka pasur atakun e përmendur më lartë. Menjëherë ka intervenuar ekipi mjekësor i Qendrës së Paraburgimit në Prizren, që i ka dhënë ndihmën e parë dhe njëkohësisht me urgjencë është ftuar Emergjenca, që e ka bartur në Spitalin Rajonal të Prizrenit”, njofton KMDLNJ.
Pavarësisht ofrimit të ndihmës nga ana e mjekëve, Musa Kryeziu ka ndërruar jetë në spital.
“Mjekët kanë ofruar gjithë ndihmën e nevojshme. Mirëpo, Musa Kryeziu, rrethë orës 13,55 ka ndërruar jetë në këtë Spital”./PrizrenPress.com/