17.8 C
Prizren
E premte, 24 Maj, 2024

Vdes në moshën 50-vjeçare reperi Magoo

Magoo, i cili ishte më i njohur si pjesë e dyshes hip-hop Timbaland & Magoo, ka vdekur në moshën 50-vjeçare.

Lajmi për vdekjen e reperit u konfirmua nga artisti R&B, Digital Black (Benjamin Bush) i “Dru Hill” në një postim në Instagram të shpërndarë të dielën mbrëma (13 gusht). Shkaku i vdekjes së tij nuk dihet.

Disa nga këngët më të njohura të Magoo – emri i vërtetë i të cilit është, Melvin Magoo Barcliff – përfshinin “Up Jumps Da’ Boogie”, “We at it Again” dhe “Party People”.

Foto: WireImage

Reperi e filloi karrierën e tij në vitin 1989 kur u takua me Timbaland – kur të dy ishin adoleshent.

Gjatë viteve të tyre të formimit, Magoo dhe Timbaland ishin pjesë e një grupi të quajtur SBI (Surrounded By Idiots) që përfshinte Larry Live dhe këngëtarin Pharrell Williams.

Dyshja dolën me albumin e tyre debutues, “Welcome to Our World”, në 1997, i cili shfaqi këngën e tyre hit “Up Jumps Da Boogie”.

Foto: Getty Images

Timbaland dhe Magoo shpesh bashkëpunuan me anëtarët e tjerë të Swing Mob, duke përfshirë Missy Elliott, Ginuwine, Playa dhe Aaliyah, gjatë karrierës së tyre.

Vdekja e Magoo përkoi me 50 vjetorin e hip-hop që u shënua këtë fundjavë.

Artistët duke përfshirë Lil Wayne, Snoop Dogg, Eve, Wiz Khalifa, Nas dhe Lauryn Hill performuan në Yankee Stadium të premten në mbrëmje për të festuar lindjen e zhanrit. /Telegrafi/

Më Shumë

Oficeri gjerman për ngjarjen në Prizren: Ishte një person i vdekur, disa të marrë peng, e konsideroja situatën si akt penal

Oficeri i Ushtrisë Federale të Gjermanisë, Dietrich Klaus-Jensch tha se në kohën kur kishte shkuar që të kryente bastisjen në ish-godinën e MUP-it në...

Kërkesat e fundit për paraburgime të Prokurorisë në Prizren: Të arrestuarit dyshohen për vepra të ndryshme penale

Prokuroria Themelore në Prizren ka paraqitur një kërkesë për caktim të paraburgimit kundër një personi, dyshuar për veprat penale "Tentim vrasje", "Mbajtja në pronësi,...

Lajmet e Fundit