11.1 C
Prizren
E hënë, 26 Maj, 2025

Vehapi nënshkruan memorandum bashkëpunimi me “SHL Kosova”

Vehapi nenshkrimKryetari i Komunës së Rahovecit Idriz Vehapi nënshkroi memorandumin e bashkëpunimit me qendrën rinore “S H L Kosova” me seli në Rahovec.
Memorandumi ka për qëllim thellimin e bashkëpunimit të Komunës me organizatën rinore në fushën e avancimit të të drejtave të rinisë në Rahovec.

Në këtë kuadër do të bëhet edhe koordinimi i veprimeve në zbatim të strategjisë për rininë, si dhe nxitjen e të rinjve për pjesëmarrje në projekte të përbashkëta.

Partneriteti parashikon përfshirjen e grupeve të ndryshme rinore në zbatimin e një komunikimi sa më intensiv, si dhe promovimin e vlerave më të mira të trevës së Rahovecit.

Gjithashtu bashkëpunimi do të fokusohet edhe në ngritjen e kapaciteteve rinore, luftimin e dukurive negative në shoqëri dhe aktivizimin e të rinjve në projekte e plane zhvillimore komunale.

Fokusi kryesor i këtij memorandumi do të jetë në punën me të rinjtë e shkollave në komunën e Rahovecit, duke synuar ngritjen e vetëdijes për veprime të organizuara në dobi të komunitetit, si dhe forcimin e rolit të shoqërisë civile. Përmes këtij memorandumi planifikohet që bashkëpunimi të zgjasë tri vite.

Memorandumi ka për qëllim të bashkërendojë aktivitetet për të rinjtë, ku do të jetë e angazhuar edhe Drejtoria Komunale për Kulturë, Rini dhe Sport, si dhe grupet tjera rinore në komunën e Rahovecit. Për qendrën rinore “S H L Kosova” memorandumin e nënshkroi drejtori ekzekutiv i Qendrës Shkumbin Arifaj

Më Shumë

Duda Balje: Ma ofruan pozitën e profesoreshës në Shkup, në këmbim të votës për Albulena Haxhiun

Deputetja Duda Balje ka konfirmuar informacionet që qarkullonin, se asaj i është ofruar të bëhet profesoreshë në Shkup, në këmbim të votës për Albulena...

Vetëvendosje akuzon kryetarin Totaj për aktakuzën ndaj shtatë zyrtarëve të Komunës së Prizrenit

Pas ngritjes së aktakuzës nga Prokuroria Themelore në Prizren, Departamenti për Krime të Rënda, ndaj disa zyrtarëve të Komunës së Prizrenit dhe përfaqësuesit të...

Lajmet e Fundit