Kryetari i komunës së Rahovecit, Idriz Vehapi, ka uruar të gjithë qytetarët e Rahovecit për 14 qershorin e vitit 1999, ditën e çlirimit të Rahovecit.
“Të nderuar qytetarë të Komunës së Rahovecit, në këtë ditë historike për komunën tonë kujtojmë të gjithë ata që luftuan dhe ata që flijuan jetën për çlirimin e komunës sonë dhe çlirimin e Kosovës”.
“Për të gjithë ne, dëshmorët do të jenë simbole dhe vlerë e veçantë, kjo vlerë nuk guxon të ndërtohet mbi bazën e përçarjes dhe urrejtjes, por mbi atë të bashkëpunimit të sinqertë dhe të dashurisë ndaj njëri-tjetrit. Liria që ne sot e gëzojmë ka vulën e gjakut të të gjithë atyre që ranë për këtë tokë”.
“Andaj, kam nderin që në emrin tim, dhe në emrin e qeverisë Komunale të Rahovecit, të u?a uroj 14 qershorin ditën e çlirimit të gjithë qytetarëve të Komunës së Rahovecit. Respekt për familjet e dëshmorëve dhe martirëve të cilët kanë dhënë më të dashurit e tyre për lirinë e Komunës së Rahovecit dhe lirinë e Kosovës, u jemi mirënjohës dhe do të ruajmë respektin për të rënët, duke i konsideruar më meritorët për lirinë të cilën ne sot e gëzojmë”, thuhet në urimin e Vehapit. /PrizrenPress.com/