Një shpërblim në vlerë prej 10 mijë eurove i është dhënë Gani Thaçit, vëllait të madh të kryeministrit Hashim Thaçi, me arsyetimin se ka kryer suksesshëm një aksion të parandalimit të mashtrimeve në industrinë e sigurimeve, shkruan gazeta “JNK”.
Këshilli Administrativ i Byrosë Kosovare të Sigurimit (BKS), që përbehet nga përfaqësues të kompanive private të sigurimeve, ka vendosur t’i japë shpërblim për punë shtesë zëvendësdrejtorit të BKS-së, megjithëse paga e tij mujore është rreth 3 500 euro.