17.8 C
Prizren
E hënë, 27 Maj, 2024

Vendi më i lirë në botë: Për një euro mund të hani e pini këtu gjatë gjithë ditës

Është e mahnitshme se çfarë mund të arrihet pothuajse pa para në 24 orë

Sipas të dhënave të The World of Statistics, Pakistani është shpallur vendi më i lirë për të jetuar.

Burnt Chip” udhëtoi në qytetin më të madh të Pakistanit, në portin kryesor detar dhe qendrën financiare – Karachi.

Në Karachi, ai shkëmbeu një paund britanik, ose rreth 1.2 euro, për 400 rupi pakistaneze dhe u përpoq të zbulonte se çfarë mund të blinte me ato para brenda një dite, transmeton Telegrafi.

Ai i regjistroi eksperiencat e tij me një aparat fotografik dhe videon e postoi në YouTube, ku deri më tani është parë nga më shumë se 2.6 milionë njerëz.

Në fillim të ditës, Larkin u freskua me pijen tradicionale pakistaneze doodtha – e cila bëhet nga qumështi, sheqeri, akulli dhe pijet e gazuara – për vetëm 30 rupi.

Për drekë ai hëngri biryani – një pjatë pikante e bërë me oriz, patate dhe pulë – dhe piu një Pepsi për vetëm rreth 30 cent, dhe për darkë ai shijoi hell me ushqim deti për të cilin shpenzoi po aq shumë.

Në Karachi, ai provoi të hipte në deve, voziti me tuk-tuk dhe shikoi një kërcim gjarpërinjsh helmues nën tingujt e flautave. Ai pagoi vetëm tre cent për biletën e autobusit.

Gjatë shëtitjes në Karachi, ai zbuloi se qiraja e një apartamenti në atë qytet është rreth 60 euro në muaj, që është të paktën pesë deri në dhjetë herë më lirë se në shumicën e qyteteve evropiane.

Çfarë pa, përjetoi dhe provoi Josh Larkin në Karachi për pak më shumë se një euro në vendin më të lirë për të jetuar, shikoni në video:

Më Shumë

Moti sot i vranët, në disa vende reshje shiu

Moti sot në Kosovë do të jetë kryesisht i vranët, kur sipas Institutit Hidrometeorologjik të Kosovës, në disa vende do të ketë edhe reshje...

Policia shqipton 1.566 gjoba në trafik brenda 24 orëve

Policia e Kosovës ka njoftuar se gjatë 24 orëve të fundit ka shqiptuar 1566 gjoba në trafik. Sipas policisë, gjatë kësaj periudhe kohore janë evidentuar...

Lajmet e Fundit