Rivaliteti në PDK nxit deklarata të parakohshme për presidentin
Kryeparlamentari synon marrjen e timonit të partisë
Kryetari i Kuvendit, Kadri Veseli, foli javën e kaluar për zgjedhjet presidenciale në vitin që vjen, duke e shpallur Hashim Thaçin për president të Kosovës paraprakisht.
Pavarësisht që në marrëveshjen për koalicionin PDK dhe LDK është një pikë e veçantë, e cila iu referohet zgjedhjeve presidenciale në vitin që vjen dhe ka një pajtueshmëri që LDK-ja në cilindo variant ta mbështesë kandidaturën e Thaçit për president të Kosovës, nga analistët politikë dhe njohës të zhvillimeve politike në vend dyshohet se “shpallja” kaq e hershme e zëvendëskryeministrit për president të vendit në vitin që vjen është një përpjekje e qartë e Veselit që ta marrë në udhëheqjen e tij personale PDK-në dhe ta heqë qafe liderin aktual nga strukturat partiake. Sipas analistëve, duke prishur më pastaj koalicionin me LDKnë, Kadri Veseli synon të bëhet edhe kryeministër i vendit.
Sipas njohësve të skenës politike në vend, ky skenar është shumë i mundshëm/Kosova Sot/