Intelektualë të fushave të ndryshme dhe mbi 100 studentë, kanë aderuar në PDK të Prizrenit.
Nënkryetari i PDK-së, Kadri Veseli, tha se aderuesit e rinj do të jenë bartës të proceseve integruese të Kosovës.
“Kjo ditë është e veçantë dhe tepër të rëndësishme, jo vetëm për Partinë Demokratike të Kosovës dhe Prizrenin, por edhe për mbarë Kosovën”.
“Ju intelektualë të profileve të ndryshme, do të jeni bartës edhe të proceseve integruese të Kosovës, drejtë politikave të Bashkimit Europian. Ne ndihemi të nderuar me aderimin tuaj sot, ngase së bashku jemi në gjendje që të marrim përgjegjësi të reja politike për qytetin historik të Prizrenit, qytetin e identitetit tonë kombëtar, qytetin e së ardhmes Europiane të Kosovës”.
Mirëseardhje në PDK, aderuesve iu ka uruar edhe kandidati i këtij subjekti politik, për kryetar të Prizrenit, Ramadan Muja.
“Duke u anëtarësuar në Partinë Demokratike të Kosovës, ju firmosni zotimin tuaj për të mbrojtur, zhvilluar e respektuar gjithnjë e më shumë liritë dhe të drejtat e çdo qytetari në Republikën e Kosovës”.
“Brenda këtij subjekti politik në mënyrë të vazhdueshme ka pasur aderime të kategorive të ndrshyme shoqërore, por ajo që e bënë më të veqant këtë solemnitet është fakti se në mesin tonë po aderojnë kategoria më e shquar e shoqërisë sonë, është kënaqësi shumë e veçantë t’ju shpreh mirënjohjen më të thellë për vendimin shumë të rëndësishëm politik që keni marrë për t’u anëtarësuar në Partinë Demokratike të Kosovës”./PrizrenPress.com/