22.8 C
Prizren
E shtunë, 15 Qershor, 2024

Konferencë shkencore për Luginën e Preshevës

RameBuja11-20Lugina e Preshevës është plagë dhe krenari e jona dhe kjo plagë herë pushon pak sa e herë rritet më shumë, varësisht prej situatave politike dhe diplomatike. Kështu tha ministri i Arsimit, Shkencës dhe Teknologjisë, Ramë Buja.

Buja këto komente i bëri në konferencën shkencore “ Presheva, Bujanoci dhe Medvegja- dje, sot dhe nesër”, organizuar nga Instituti i Albanologjisë dhe Shoqata për Trashëgimi dhe Krijimtari Kulturore e Luginës së Preshevës.

Ministri me këtë rast uroi që kjo konferencë dyditore, e cila organizohet për herë të parë, të jetë vërtet shkencore dhe vizionare, lidhur me atë se çfarë duhet bërë me Preshevën, Bujanocin dhe Medvegjën.

“Lugina e Preshevës është plagë dhe krenari e jona dhe kjo plagë herë pushon pak sa e herë rritet më shumë, varësisht prej situatave politike dhe diplomatike”, tha ministri Buja.

Buja poashtu dënoi aktin e konfiskimit të librave shkollor për nxënësit e Medvegjës, Preshëvës dhe Bujanovcit. “A ka gjë më makabre se të merren dhe të konfiskohen librat siç u konfiskuan në Preshevë, Bujanoc dhe Medvegjë”, tha ai.

Pjesë e kësaj konference ishte edhe hapja e një ekspozite me fotografi të objekteve arkeologjike, fetare, ndërtimore, publike, pastaj përmendore dhe fotografi nga trashëgimia natyrore, të cilat flasin dhe ndriçojnë të kaluarën e kësaj popullate, si dhe vazhdimësinë integruese territoriale, etnike, kulturore, gjuhësore, ekonomike, lidhjeve familjare e lidhjeve të tjera me Kosovën, Maqedoninë dhe Shqipërinë.

Qëllimi i ekspozitës ishte njohja e publikut prishtinas dhe më gjerë me vlerat e mirëfillta trashëgimore dhe asaj natyrore të Preshevës, Bujanocit dhe Medvegjës, si dhe me luftën e bërë në këto treva. /PrizrenPress.com/

Më Shumë

De Biasi: Shqipëria më ndryshoi jetën, por në Dortmund bëj tifo për Italinë

Kualifikoi i pari Shqipërinë në një fazë finale të Evropianit dhe tani flet me krenari. “Jam krenar pasi kam dhënë edhe unë një kontribut për...

Përkujtimi i 25 vjetorit të çlirimit të Prizrenit: Homazhe në varrezat e dëshmorëve në Landovicë

Në nderim të heronjve të kombit, kryetari Shaqir Totaj, së bashku me zyrtarë të ekzekutivit, familje të dëshmorëve, përfaqësues të shoqatave të dala nga...

Lajmet e Fundit