13.8 C
Prizren
E premte, 29 Mars, 2024

Veshja hasjane e puna me vek ende po trashëgohen në Gjonaj

Fshati Gjonaj është njëri ndër fshatrat më të mëdhenj në rajonin e Hasit të Prizrenit, dhe i dyti për nga madhësia në këtë komunë.

Ajo çka e bën më të veçantë këtë krahinë, është mbajtja e traditave e veshjeve tradicionale, të cilën banorët e kësaj ane e mbajnë ende gjallë, e i trashëgojnë tek pasardhësit e tyre, raporton KOHA.

Rrushe Lushaj nga fshati Gjonaj nuk shkëputet dot nga kjo traditë.

Asaj i pëlqen t’i mbajë veshur rrobat tradicionale hasjane. Ajo përveçse i mban veshur, di t’i punojë ato me vek, zanat ky që e mësoi që nga mosha 14-vjeçare.

Vekun që e përdor me vite të tëra i ka mbetur trashëgim nga babai. Një i tillë është vështirë për t’u punuar.

Vajzat që duan ta kenë një veshje të tillë duhet porositur afro 2 vjet më herët.

Kjo lloj veshjeje ka shumë pjesë, e që në kohët më të nxehta paraqet problem dhe nuk është aspak praktike.

Por, sipas Rrushes, gratë hasjane asnjëherë nuk kanë hezituar për ta mbajtur.

Ajo tregon se një veshje të tillë i ka punuar vajzës dhe resë së saj, por që ato ende nuk kanë arritur ta mësojnë plotësisht punën me vek.

Për ta finalizuar një veshje hasjane, Rrushes i duhet së paku deri një vit.

Pjesa më e rëndësishme në këtë veshje është rrethi i drurit, i cili vendoset në bel, e që ndryshe njihet si “kullan”.

Kohë më parë, si çdo grua në Kosovë, edhe ato hasjane i kanë punuar tokat. Duke mbajtur veshjen tradicionale, në kollan mbanin ujin dhe ushqimin.

Më Shumë

Moti për sot me diell, vranësira dhe reshje shiu

Për të dielën parashikohet të mbajë mot me diell dhe vranësira, ku mund të ketë ndonjë reshje të izoluar shiu gjatë ditës. Në orët...

Malishevë: Dorëzohen çelësat e 10-të shtëpive për familjet në nevojë

10 familje që jetojnë në kushte të rënda ekonomike në komunën e Malishevës, janë bërë me shtëpi banimi. Lajmi u bë i ditur nga kryetari...

Lajmet e Fundit