26.8 C
Prizren
E diel, 7 Gusht, 2022

Vetëpromovohet si kandidat për Prizrenin

Nait HasaniDeputeti i PDK’së, Nait Hasani e ka shpallur kandidaturën e dyfishtë të tij për të udhëhequr Partinë në Prizren dhe për t’i hyrë garës zgjedhore për kreun e Komunës.

Ai ende pa e marrë mbështetjen e PDK’së në Prizren, dhe në Qendër, ka vendosur të promovohet si pretendent për të udhëhequr me Partinë dhe me Komunën e Prizrenit.

“Po unë jam kandidati Kryesor për Kryetar të PDK’së dhe për Kryetar të Prizrenit”, ka thënë Hasani, për Express, të mërkurën.

“Besoj se do ta fitoj garën në Prizren edhe me mbështetjen e PDK’së”, ka shtuar ai.

Ndryshe, kandidaturën për Kryetar të Degës së PDK’së e pati shpallur edhe kryetari aktual i Komunës, Ramadan Muja, i cili është tërhequr nga gara pasi po përballet me gjykimin nën akuzat për korrupsion.

Më herët, Lideri i PDK’së pati dalë në përkrahje të Mujës për të udhëhequr me PDK’në në Prizren.

Zgjedhjet në PDK kanë përfunduar në fillim të këtij viti, por për shkak të përçarjeve, Dega e Prizrenit ende nuk e ka zgjedhur Kryetarin e saj.

Megjithëkëtë, Nait Hasani thotë do të jetë Kryetar i Degës së PDK’së dhe i Prizrenit dhe se për këtë do ta ketë mbështetjen e Hashim Thaçit.

“Jemi në kontakt me Kryetarin. Në momentin që do të zyrtarizohet kandidatura ime do ta kem edhe përkrahjen e z. Thaçi”, ka thënë ai.

Hasani ka thënë se nuk ka ende një kundër-kandidat për të udhëhequr me PDK’në në Qytetin e Vjetër.

“Ende nuk ka kundër kandidat. Unë jam i vetmi kandidat për Kryetar të Degës së PDK’së në Prizren. Të tjerat janë përfolje”, ka shtuar ai.

Hasani ka mohuar mundësinë që PDK të humb pushtetin në Prizren për shkak të përçarjeve dhe akuzave të zyrtarëve të saj se janë të përfshirë në korrupsion.

Ai është i bindur se me ndihmën e Partisë do të fitoj Prizrenin, apo ndryshe siç njihet “Jerusalemi i PDK’së.

“Unë do ta fitoj Jeruzalemin edhe Prizrenin. Unë jam i sigurt se do ta fitoj edhe Prizrenin edhe Jerusalemin”, ka thënë ai.

Deri më tash, vetëm LDK’ja dhe AAK’ja i kanë publikuar kandidatët e tyre për Prizrenin.

Partia e Isa Mustafës ka vendosur të garojë me Eqrem Kryeziun ndërsa ajo e Ramush Haradinajt me Lulëzim Kabashin, i cili përkrahet edhe nga LDD’ja e Nexhat Dacit.

Pavarësisht kësaj, Nait Hasani fol fjalë të mira për kundërkandidatët nga partitë e tjera derisa thotë se është i bindur se do të fitoj.

“E vlerësoj Eqrem Kryeziun si kandidat. Por, unë besoj në fitoren time”, ka thënë Hasani.

Më Shumë

Lajmet e Fundit