16.8 C
Prizren
E enjte, 28 Mars, 2024

Vjeshta mund të sjellë sërish zgjedhje

Zgjedhje-kosove-logoNë rast se asnjëri nga blloqet politike nuk tërhiqet nga pozicionet aktuale, vendi mund t’i drejtohet zgjedhjeve të reja të cilat do të mbaheshin në vjeshtë. Kështu bëjnë të ditur burime të gazetës Tribuna, të cilat kanë shpjeguar se derisa Gjykata Kushtetuese pritet t’i japë përgjigje çështjes së mandatarit të qeverisë, zgjedhjet do të mund të provokohen në ditën e konstituimit të Kuvendit të Kosovës.

Të dy taborët ende nuk e kanë të qartë se cila nga to mund ta propozojë kryeparlamentarin dhe në këtë pikë pashmangshëm deputetët e rinj do të duhej t’i drejtoheshin për interpretim Kushtetueses ose të provonin të bënin zgjedhjen e kryetarit të ri, pa e ditur nëse do ta shkelnin aktin më të lartë juridik.

Kushtetuta nuk lë hapësirë që kryetari i Kuvendit të propozohet dy ose tri herë. Edhe rregullorja e Kuvendit edhe Kushtetuta flasin për një kandidaturë për kryetar të Kuvendit, i cili, nëse dështon të zgjidhet, bën që parlamenti i ri të shpërbëhet dhe vendi të shkojë në zgjedhje të parakohshme.

Pas certifikimit të rezultatit, brenda afatit prej një muaji, presidentja pritet ta thërrasë seancën e parë konstitutive. Mirëpo ajo mund të jetë edhe seanca e fundit e kësaj përbërjeje.

Më Shumë

35 vjet nga demonstratat kundër suprimimit të autonomisë së Kosovës

Më 23 mars 1989, në Kuvendin e Kosovës, u ndryshua Kushtetuta e vitit 1974 dhe u suprimua autonomia e Kosovës në ish-Federatën jugosllave, duke...

Gjendet 13 vjeçarja nga Suhareka, dyshohet se është dhunuar seksualisht

Është gjetur në Vushtrri  13-vjeçarja nga Suhareka, e cila  u denoncua e zhdukur nga familja e saj. Burimet e Gazetës Sinjali kanë bërë me dije...

Lajmet e Fundit