Stina e vjeshtës pritet të jetë stina e rikthimit për disa prej yjeve të muzikës botërore. SHumë prej tyre kanë zgjedhur të punojnë në qetësi, e të tjerë kanë vazhduar me planifikimin familjar larg mediave.
Adele, albumi i fundit i së cilës ishte albumi më i shitur në rruzull për vitin 2011-të e 2012-të, pritet të rikthehet këtë vit, gjegjësisht në muajin nëntor, me album të ri. Ajo ka lindur para disa muajve fëmiun e saj të parë, ndërsa para kësaj pësoi një ndërhyrje mjekësore në fytin e saj. Në një intervistë për Rolling Stones ajo thotë se po pret që me rritjen e fëmiut të vogël të inspirohet për të krijuar. Sipas saj, baladat si specialitet i saj nuk do të mungojnë as në albumin e ri.
Pink Floyd është një tjetër prej rikthimeve të mundshme fuqishëm gjatë vjeshtës. Sipas Twitter, grupi i famshëm do të kthehet në studio për të xhiruar albumin e tyre të parë bazuar në studio, kjo pas 20 vitesh pushim.
Lauryn Hill, anëtarja e Fugees po ashtu pritet të rikthehet edhe pse ka nënshkruar kontratën e saj qysh vitin e kaluar, dhe ende nuk ka pasur asnjë projekt të ri prej saj. Hill është një prej vokalisteve më të vlerësuara viteve të fundit. Ajo nuk i ka ikur mediave botërore duke qenë se vitin e kaluar ka vuajtur dënimin me burg për tre muaj shkaku i mos pagesës së taksave shtetërore.