Kandidatja për kryetar të LDK-së, Vjosa Osmani ka shpalosur në Zona B në Klan Kosova, platformën e saj për të udhëhequr këtë subjekt politik. Thotë se ka për qëllim ripërtritjen e LDK-së pasi, siç tha ajo, sondazhet e kanë nxjerrë keq këtë parti si rezultat i disa vepruimeve që kanë injoruar elektoratin.
“Ka të bëjë me Lidhjen Demokratike të Kosovës si fuqia e parë politike në vend, ka të bëjë me fitoren e zgjedhjeve të ardhshme”, tha Osmani.
Si pikë kryesorë të platformës së saj është mbajtja e fjalës.
“Një lider, një përfaqësues i qytetarëve të Kosovës duhet të mbaj përgjegjësi për fjalën publike. Nuk mund të flas krejt tjetër për katër vite pastaj brenda natës të veproj krejt ndryshe”, tha ajo.
Ndër dhjetë pikat ajo përmend edhe guximin.
“Guxim për tu marrë me disa prej sfidave më të mëdha në të cilën po kalon Republika e Kosvës. Guxim për të marr rolin drejtues në luftimin e Krimit e Korrupsionit e jo ta kemi atë vetëm pjesë të letrës”, tha Osmani.
Vjosa që është femra e parë që synon ta marr postin e të parës së LDK-së, beson se të dielën e 31 Majit anëtarësia LDK-së, timonin e partisë do të ia besoj asaj para Isa Mustafës, Lutfi Hazirit e Fatmir Sejdiut.
“Në qoftë se konjukturat edhe kësaj radhe nuk e dëgjojnë këtë zë të elektoratit, e kam thënë dhe po e përsëris, do ta prodhojmë një kryetar pa elektorat që është njejtë si ta kemi një gjeneral pa ushtri. Gjenerali pa ushtri nuk mund të arrijë asgjë, në asnjë betejë, në asnjë nga sfidat në të cilat po ballafaqohet Kosova”, tha ajo.
Të gjithë ata që pretendojn kreun e LDK-së, Osmani i ftoj në një debat të hapur rreth platformave që pfrojnë.