Një i ri i cili punonte kamerier në një prej lokaleve të Dhërmiut është gjetur i vrarë pranë bregut të detit jugor. Pasi kishte marrë sinjalizimet nga banorët e zonës, Policia e Qarkut të Vlorës ka njoftuar sot për gjetjen e një trupi të pajetë në brigjet e plazhit të Drimadhës, në Dhërmi.
Uniformat blu bëjnë të ditur se janë konstatuar shenja dhune në trupin e viktimës, një person rreth të 30-ave me iniciale D.V nga Elbasani, duke ngritur dyshimet se ai mund të ketë humbur jetën nga dhuna e ushtruar.
Banorët e zonës thonë se viktima punonte si një kamarier në një nga lokalet e plazhit me emrin ‘Shija e Jetes’. Mësohet se i riu, punonte si kamerier në lokalin në Drimadhe vetëm prej 10 ditësh.
Gazetari Enrik Mehmeti nga Vlora bën me dije se dyshohet se ngjarja ka lidhje me humbjen e një shume lekësh. Paraprakisht mësohet se i riu është akuzuar për humbjen e 500 mijë lekëve të rinj. Nje dite me pare ne lokal ka pasur nje grindje per Shumen e humbur te lekeve. Kurse sot ne mengjes, trupi i te riut u gjet i pajete, ndersa shkak i vdekjes dyshohet dhuna e ushtruar mbi te.
Këto dyshime i përforcon edhe pastruesja e të njëjtit local ku punonte viktima, e cila pretendon të jetë dhunuar nga pronarët. Kjo e fundit ka mbërritur me shenja dhune në spitalin e Vlorës. “Jam dhunuar nga pronarët e lokalit”, ka deklaruar Dorina Sako, 43 vjeçe nga Tirana.
Mjekët e spitalit të Vlorës bëjnë me dije se pastruesja ka shenja dhune në kokë, por nuk ka rrezik për jetën.
Ndërkohë që policia ka mbërritur në lokalin ku punonte viktima, për të marrë në pyete punonjësit., më qëllim për të zbardhur vrasjen e kamerierit.