Kryeministri i Serbisë Aleksandër Vuçiç do të vizitojë Tiranën më 27 maj të këtij viti. Të paktën kështu shkruan sot gazeta serbe “Danas”.
Gazeta serbe bazohet në burime të sigurta të kabineteve të kryeministrave. Ajo citon edhe këshilltarin e kryeministrit Edi Rama për rajonin, Shkëlzen Maliqin.
“Nëse në 6-7 muaj korrektojmë atë çfarë ndodhi në shekullin e kaluar, do të jetë një shumë mirë për marrëdhëniet Shqipëri – Serbi”, ka thënë Maliqi, transmeton Shekulli.
Maliqi ka paralajmëruar se mes dy kryeministrave do të flitet për projekte konkrete për zhvillimin e dy shteteve, një ndër to do të jetë edhe autostrada Durrës-Nish.
Kjo vizitë u paralajmërua nga vetë kryeministri serb gjatë takimit me Edi Ramën në Beograd pak muaj më parë.
Kjo do të jetë vizita e parë e një kryeministri serb në Shqipëri.