Lëvizja Vetëvendosje ka njoftuar se sot rreth orës 11:00, Policia e Kosovës ka shkuar për ta arrestuar në shtëpinë e tij, aktivistin e kësaj lëvizjeje, Valdrin Ahmeti.
Ky veprim i policisë për ta arrestuar Ahmetin, sipas VV-së, vjen pasi që të njëjtin Isa Mustafa e përmendi me emër në emisionin “DEBAT” në RTK, më 28 gusht 2015.
“Pas ekspress-dënimit të djeshëm të një qytetari që nga mllefi kishte “kërcënuar” ministrin dhe djaline kryeministrit, sot u tregua edhe njëherë që efektiviteti policor është i jashtëzakonshëm kur bëhet fjalë për kryeministrin”, thuhet mes tjerash në njoftimin e këtij subjekti politik që udhëhiqet nga Visar Ymeri.
“Pra, është e qartë që Isa Mustafa është shndërruar në kryepolic që jep urdhëra se kënd ta arrestojë policia, kënd ta dënojë urgjentisht gjykata, ndaj kujt të hapen hetimet, etj. Ky kryepolic, e ka vënë të gjithë sistemin në shërbim të tij, familjes, pronave dhe ministrave të tij.
Ky nuk është kryeministër i qytetarëve të Kosovës”. /PrizrenPress.com/