Kina është vendi i parë që përcakton “Varësinë nga Interneti” si një çrregullim klinik. Me intimitet të jashtëzakonshëm, Web Junkie heton një qendër rehabilitimi në Beijing ku adoleshentë kinez shprogramohen, duke u përqendruar në tri gjëra, adoleshentët, prindërit e tyre dhe profesionistët mjekësor të përkushtuar për t’i ndihmuar ata që ta largojnë vesin e tyre.
Kjo është pak a shumë historia e filmit dokumentar “Web Junkie” me regji të Shosh Shlam dhe Hilla Medalia, i cili të martën e 21 prillit do të jepet në DokuKino në Prizren, me fillim prej orës 20:00.
Pas shfaqjes së filmit do të mbahet një bisedë me Yll Rugovën dhe Visar Arifajn rreth këtij filmi.
Shfaqja është e mbështetur nga Balkan Arts and Culture dhe pjesë e projektit DOKUVISION i cili përfshin organizatat e Balkan Documentary Distribution Network. DokuVision është një platformë që tenton të ndërtoj bashkëpunim rajonal kulturor përmes shfaqjes së sinkronizuar të filmave dokumentar. /KultPlus.com/