Chester Bennington, këngëtari i grupit Linkin Park sot ka ndërruar jetë, dhe një gjë e tillë ka pikëlluar yjet e muzikës.
TMZ sot ka raportuar se 41 vjeçari është vetëvrarë në një rezidencë private në Los Angeles në mëngjesin e sotëm, transmeton Koha.net.
Vetëvritet këngëtari i Linkin Park
Grupi Imagine Dragons ka mbetur pafjalë nga vdekja e tij.
“Pafjalë. Zemërthyer. Pusho në paqe Chester Bannington”, ka shkruar në Twitter.
Kurse One Republic ka shkruar, “Pusho në paqe Chester Bennington i Linkin Parkut, kjo na ka thyer zemrat. Vetëvrasja është djalli në tokë që ecë ndërmjet nesh”.
Reperi Pharrell ka thënë se Chesteri dhe grupi i tij kanë ndikuar në një gjeneratë të tërë.
Kurse Rihanna ka shkruar se, “Chester është talenti më i madh që ka parë. Zë të jashtëzakonshëm”.
Cypress Hill ka thënë, “Pusho i qetë Chester Bennington”.