Deputeti i Kuvendit të Kosovës nga NISMA ka konsideruar se shumë lehtë e ka fyer zëvendësministrin Gani Kocin. Ai ka thënë për Indeksonline se Gani Koci është një hajn ordiner duke shtruar pyetjen se “çka ka ai njeri me mua”.
“S’kam pasur kurrfarë debati në mes ti. Unë mbrëmë kam qenë në emision edhe s’kam pasur debat dhe unë se di çka ka ai me mua. Unë ia kam dhënë një përgjigje private komplet dhe ai e ka publikuar e kjo është një pafytyrësi e Gani Kocit që merret me kësi gjërash. Po sido që të jetë, nuk ka ra kalaja mbi shatërvan.
Unë shumë lehtë e kam fyer çka meriton ai hajn ordiner. Edhe unë nuk e di çka ka ai njeri me mua, por një idiot i tillë me qenë pjesë e Qeverisë, tash e kuptova për besë se ai qenka edhe zëvendësministër”, ka thënë Berisha për Indeksonline.
Berisha ka komentuar edhe përbërjen e Qeverisë, ku Koci është zëvendësministër.
“Imagjinoni çfarë bërlloga ka në Qeveri si Gani Koci, imagjino në cilin nivel ka rënë Kosova”, ka thënë Berisha./Indeksonline/