Ish-pjesëtari i UÇK-së, Zafir Berisha, ka kujtuar bashkëluftëtarin Ekrem Rexha-Drini, në 23 vjetorin e vrasjes së tij.
Ai thotë se “Drini” ka dhënë në kontribut të madh në çlirimin e vendit.
“Në Vërri të Prizrenit erdh në korrik të vitit 1998 me sugjerim të SHP të UÇK-së. Ushtroi detyra shumë të rëndësishëm në organizim dhe mobilizim të njësive të UÇK-së”, kujton Berisha.
Postimi i plotë
Kujtim për bashkëluftëtarin dhe mikun Ekrem Rexha-Drini në 23 vjetorin e vrasjes së tij (08.05.2000)
Me 08.05.2000 ende pa u bërë një vit që ishte kryer lufta, para shtëpisë tij në mënyrë qyqare vritet bashkëluftëtari Ekrem Rexha-Drini.
Vrasja e Kom.Drinit ishte një paralajmërim se Kosova po futet në një rrugë pa krye, ku krimi i organizuar në bashkëpunim me barkëqitjen sllave që po kundërmon ende në Kosovë, do ta shkatërroi seriozisht vlerën e këtij vendi që quhet UÇK-së dhe vendin do ta dërgoi drejtë destabilizimit afatgjatë, që për fatin e keq vazhdon edhe sot.
Vrasja e Kom.Drinit nuk ishte humbje vetëm për familjen dhe shokët e luftës por ishte humbje për Prizrenin, Kosovën dhe perspektivën evropiane të të gjithë qytetarëve!
Në Vërri të Prizrenit erdh në korrik të vitit 1998 me sugjerim të SH.P. UÇK-së ushtroj detyra shumë të rëndësishme në organizim dhe moboilizim të njësive të UÇK-së.
Ekrem Rexha-Drini mori pjesw në shumw beteja për liri, ishte i plagosur në luftë por i pa nënshtruar ishte kom i Br-125 ,Kom i ZOP të UÇK-së, anëtar i SH.P- UÇK-së…
Lufta për lirinë e Kosovës vazhdoi me shumë beteja kundër okupatorit serb, deri më 12 qershor 1999 në çlirimin e Prizrenit dhe Kosovës ku Drini kishte rolë të veçantë dhe ku përfundimisht iu dha fund sundimit sllavë në tokat tona.
Do të jetë i paharruar kujtimi për Drinin!
Zafa/PrizrenPress.com/