0.8 C
Prizren
E premte, 3 Shkurt, 2023

Zafiri merr përkrahje nga Jakup Krasniqi për kryetar të Prizrenit

Zafir Berisha 1Kryetari i Bashkimit Demokratik, Zafir Berisha ka filluar t’i marrë mbështetjet e para për kryetar të Prizrenit. Të hënën (nesër) ai do të lidhë koalicionin e parë me një subjekt politik në Prizren.

Në ftesën e dërguar mediave nuk saktësohet se cili subjekt politik do të mbështes kandidaturën e Zafir Berishës për kryetar të Prizrenit. “Bashkimi Demokratik të hënën organizon konferencë për media në të cilën do të bëhet prezantimi i Shtabit Zgjedhorë dhe prezantimi i koalicionit me një subjekt politik, i cili do të mbështet kandidaturën e kandidatit të Bashkimit Demokratik për kryetar të Komunës së Prizrenit, Nexhat Isufit të Komunës së Dragashit për zgjedhjet lokale të 3 nëntorit “, thuhet në njoftimin e BD-së dërguar mediave.

Burimet e “PrizrenPress-it“, ndërkaq bëjnë të ditur se kryetari i BD-së,Zafir Berisha nesër do të bëjë koalicion me partinë,Balli Kombëtar. ”Balli Kombëtar do të mbështes Zafirin në Prizren dhe Nexhat Isufin në Dragash”, konfirmon burimi i “PrizrenPress-it”. Kandidati për kryetar të Prizrenit,Zafir Berisha kohët e fundit ka zhvilluar disa takime edhe me personalitete të subjekteve të tjera politike.

Sipas burimeve të sigurta të “PrizrenPress’it”, ish-kryetari i PDK-së, Zafir Berisha, ka zhvilluar një takim edhe më kryeparlamentarin Jakup Krasniqin dhe deputetët e Vetëvendosjes, Rexhep Selimin dhe Afrim Hotin. “Zafiri ka pasur një takim me kryeparlamentarin Jakup Krasniqin nga i cili ka marrë përkrahje se do ta mbështes në zgjedhjet lokale të nëntorit për kryetar të Prizrenit”, konfirmon burimi i “PrizrenPress-it”.

Kandidati i BD-së,  Zafir Berisha, ndërkaq në bisedat e zhvilluar me Rexhep Selimin dhe Afrim Hotin, kanë diskutuar vetëm për mundësin e hyrjes së një koalicioni të përbashkët në zgjedhjet e nëntorit, por nuk kanë arritur ndonjë marrëveshje konkrete. “Nuk është marrë kurrfarë vendimi, por vetëm kanë diskutuar për këtë çështje”, tregon burimi./PrizrenPress.com/

 

Më Shumë

Apeli e kthen në rivendosje aktakuzën për rastin e 17 kg drogë në Prizren

Gjykata e Apelit e ka kthyer në rivendosje aktakuzën për rastin e 17 kg drogë në Prizren. Më 1 qershor 2022, gjatë kontrollit të automjetit...

Gërxhaliu: Kosova po rrëshqet në shtet social, Qeveria s’duhet të jetë selektive

Njohësi i çështjeve ekonomike, Safet Gërxhaliu, ka ngritur shqetësimin duke thënë se si është e mundur që sektori privat që e mbush buxhetin e...

Lajmet e Fundit