Pas shumë aludimeve në media se i dashuri i Rike Roçit është një nga futbollistët e Kombëtares shqiptare, e vërteta duket ndryshe.
Ish-lojtarja e “Big Brother” dhe tifozja më seksi e Kampionatit Europian të Futbollit “Euro 2016” është fotografuar në befasi në plazhin e Velipojës, nën shoqërinë e partnerit të saj aktual, një djalë i panjohur në publik, të cilin po përpiqet ta mbajë larg ekspozimit në media.
Në faqen e blogerit Olti Curri është postuar fotoja në fjalë, ku Rikja shfaqet e shtrirë në shezlong bashkë me djalin, me të cilin thuhet se është në lidhje. Edhe pse modelja nga Durrësi nuk e ka konfirmuar personin si të dashurin e saj, nga qëndrimi i tyre, lë të ku që ka diçka më shumë se miqësi.
Rike, siç shihet, edhe nga postimet në Instagram ka zgjedhur plazhet e Veriut për të kaluar disa ditë pushime me këtë person që duket mjaft i afërt. Sipas burimeve të Panoramës, bëhet fjalë për një djalë shqiptar me të cilin është njohur në Itali, që i ka kaluar të 25-at, i panjohur në publik dhe që merret me biznes.