Përfaqësuesi i BE’së në Kosovës, Samuel Zbogar, i cili ishte i pranishëm në seancën e Kuvendit të Kosovës për ndryshimet kushtetuese që do t’i hapnin rrugë themelimit të Gjykatë Speciale, ka thënë se është i zhgënjyer me vendimin e Kuvendit për të mos e votuar Gjykatën Speciale.
“Jemi shumë të zhgënjyer me këtë vendim por na mbetet ta respektojmë”, ka thënë Zbogar.
Ai, po ashtu, ka thënë se mosvotimi është i dëmshëm për Kosovën, ndërsa ka shtuar se nuk e di ç’do të ndodhë në të ardhmen.
Para se të rifillonte seanca pasdite, Zbogar ishte shprehur optimist që amendamentimi do të kalonte në Kuvend. /Politiko.net/