11 aktorët e Teatrit të Prizrenit kanë mbetur pa paga tash e disa muaj.
Në emisionin “Mëngjesi me Arben Ahmetin” në Kanal 10, ka folur njëri nga aktorët e këtij teatri, Xhevdet Doda, i cili ka folur rreth problemeve që kanë pasur në lidhje me rrogat.
“Kuvendi komunal po arsyetohet për vonesën e nënshkrimit të kontratave, të cilat janë nënshkruar më 21 korrik dhe pagat janë dashur të dalin në shtator, por ne nuk kemi faj nëse komuna është vonuar në nënshkrimin e kontratave”, ka thënë Doda, përcjell Portali.info.
Ai ka thënë se aktorët e teatrove të tjera në Kosovë, kanë vazhduar të paguhen edhe pse në gjendjen e pandemisë.
Në fund, aktorët e Teatrit të Prizrenit kanë paralajmëruar protesta dhe ndalim të të gjitha aktiviteteve në rast se nuk marrin përgjigje nga institucionet.