Ministri i Bujqësisë, Pylltarisë dhe Zhvillimit Rural, Besian Mustafa ka bërë të ditur se tashmë ka kanë arritur që të furnizohen me 100 ton sojë, nga Maqedonia e Veriut.
Mustafa këtë e bëri të ditur përmes një postimi në Facebook, ku edhe falënderoi homologët e tij nga Maqedonia e Veriut dhe Bullgaria ë kanë bashkëpunuar për të evituar krizën e ushqimit për shpeztarinë e blegtorinë kosovare.
“Pas shumë koordinimesh me institucionet në Maqedoninë e Veriut, sot në Kosovë ?? kanë hyrë mbi 100 ton sojë, ndër përbërësit kryesor të koncentratit ushqyes për shpezë. Së bashku me sasitë e mjaftueshme të misrit të siguruara nga Bullgaria, po ashtu në koordinim me institucionet atje, kemi evituar krizën e ushqimit për shpezëtarinë dhe blegtorinë kosovare”, shkruan Mustafa.
Ai po ashtu ka falënderuar edhe shoqatat e blegtorëve e shpeztarëve në Kosovë, për bashkëpunimin e tyre.
“Falënderim i veçantë për homologët nga dy shtetet mike, Maqedonia e Veriut dhe Bullgaria, si dhe për shoqatat e blegtorëve dhe shpezëtarëve në Kosovë”, shkruan Mustafa.