Pas Prishtinës tani në qytetin e Prizrenit po mbahet mesha e shenjtë në kishën “Zonja Ndihmëtare”, me këtë rast u bë edhe ri-shugurimi pasi deri tani kjo katedrale ishte në rinovim, ri-shugurimi nënkupton bekim.
Pjesë e kësaj meshe është edhe Sekretari i shtetit të Vatikanit, Kardinali Pietro Parolin i cili po qëndron për vizitë në Kosovë, njofton Klan Kosova.
Të pranishëm në ri-shugurim përveç prijësve fetar shqiptar ka edhe nga ipeshkvia serbe.
Dodë Gjergji ka bërë lyerjen me vaj që simbolizon ri-shugurimin e kësaj kishe.
I pranishëm në këtë meshë është kryetari i Prizrenit, Mytaher Haskuka, ministri i Infrastrukturë Pal Lekaj, deputeti Anton Çuni, pjesëtarë të Policisë e shumë të tjerë.
