Kryetari i Komunës së Prizrenit, Mytaher Haskuka, së bashku me drejtoreshën e Drejtorisë së Kulturës, Rinisë dhe Sportit, Emilija Redzepi, sot kanë përuruar stadiumin e futbollit në fshatin Sërbicë, shkruan PrizrenPress.
Haskuka në një postim në Facebook ka thënë se Prizreni ka qenë gjithmonë vatër nga ku kanë dalë futbollistët e njohur.
“Për të vazhduar këtë traditë, ne si prioritet kemi vendosur investimin në sport dhe rini”, shkruan Haskuka.
Ai ka bërë të ditur se ky stadium do t’ju shërbejë klubeve sportive të Komunës së Prizrenit, si dhe do të jetë në shërbim të futbollistëve të rinj, meqë i plotëson kriteret e kërkuara nga Federata e Futbollit për mbajtjen e garave regjionale për grupmoshat e reja.
Ky projekt është realizuar si investim i Komunës./ PrizrenPress.com
