Kohëve të fundit shpesh ndodh që damat e famshme, të cilat në të kaluarën kanë qenë në lidhje me meshkuj, deklarojnë se nuk do t’i pengonte që të argëtohen edhe me pjesëtaret e gjinisë së njëjtë. Disa prej tyre kanë mbetur vetëm në këto fjalë, derisa të tjerat kanë dëshmuar se vërtet e mendojnë këtë.
Ne ju sjellim listën e bukurosheve të cilat kanë dëshmuar se mund të dashurohen si me meshkuj, ashtu edhe me femra.
Të gjithë jemi të vetëdijshëm se aktores Vanessa Hudgens i pëlqejnë kryesisht meshkujt – lidhjet me Zac Efron, Josh Hutcherson, Austin Butler janë dëshmi të mjaftueshme për këtë, por ajo vitin e kaluar ka deklaruar: “Unë jam një person me mendime të përgjithshme. Mendoj se dy persona mund të lidhen mes vete pa marrë parasysh gjininë. Nuk shoh arsye pse një ditë të mos lidhem me një femër”.
Ylli i serisë “Girl Meets World” Rowan Blanchard, kohë më parë ka deklaruar se nuk dëshiron të deklarohet si gej apo monogamie, sepse mendon se kjo është absolutisht e panevojshme. Pas puthjes së famshme me Madonna-n në ceremoninë e çmimeve MTV, e kemi pasur të qartë se Christina Aquilera-s i pëlqejnë edhe femrat. Përveç kësaj, i mbajmë mend edhe fjalët e saj: “Më pëlqen të eksperimentoj me seksualitetin tim. Mendoj se dy femra mund të pajtohen më mirë në seks sesa një mashkull dhe një femër”.
Përveç fejesës me Liam Hemsworth dhe argëtimit me Patrick Schwarzenegger, Miley Cyrus shpesh është parë në momente intime edhe me modelen Stella Maxwell.
Gjatë pjesëmarrjes në emisionin televiziv “Chatty Man”, Demi Lovato e ka pranuar se ka eksperimentuar me seksualitetin e saj.
“Nuk shoh asgjë të keqe në këtë”, ka theksuar ajo.
Selena Gomezin njëherë e kanë lidhur me modelen Cara Delevingne, në çka ajo është përgjigjur: “Nuk më pengojnë këto thashetheme. Cara është një vajzë e bukur me të cilën pajtohem mjaft mirë. Përveç kësaj, kurrë s’kam thënë se më pëlqejnë vetëm meshkujt”, ka deklaruar ajo.