Ka vdekur në moshën 65 vjeçare, ish-kryetarja e FG-së së LDK-së në Prizren, Xhyle Krasniqi.
Siç bëhet e ditur, e ndjera Xhyle Krasniqi, ka humbur betejën nga një sëmundje e rëndë me të cilën po përballej një kohë të gjatë.
LDK dega në Prizren ka shprehur ngushëllime me rastin e ndarjes nga jeta të aktivistes së tyre të kamotshme, doktoreshës Xhyle Krasniqi.
”Xhyla, ishte aktiviste e devotshme dhe e përkushtuar që nga ditët e para të themelimit të Lidhjes Demokratike në Prizren.
Do të mbahet mend si një grua e jashtëzakonshme me vlera të larta njerëzore, e dashur dhe punëtore, familjare e përkushtuar, mike dhe kolege e sinqert dhe veprimtare e brumosur me dashuri për atdheun.
LDK e Prizrenit ju shprehë ngushëllime të sinqerta familjes Krasniqi, kolegëve mjekë të së ndjerës, farefisit të saj dhe gjithë Prizrenit.
Bashkëndjejmë me ju!
Shpirti i bëftë dritë në paqen e përjetshme.
LDK – Prizren
Kryetar,
Anton Quni”
