Pianisti polak Wojciech Kilar, kompozitor i muzikës klasike dhe kolonave zanore të filmave të mëdhenj si filmi i shpërblyer me Oskar, “The Pianist”, dhe “Bam Stroker’s Dracula”, ka vdekur në moshën 81 vjeçare.
Kompozitori i suksesshëm vdiq të shtunën në qytetin Katowice të Polonisë, pas një sëmundje të gjatë, njofton ‘Huffington Post’. Vdekjen e tij e bëri të ditur Jerzy Kornowicz, kryetar i Shoqatës së Kompozitorëve.
Sipas tij, fuqia dhe mesazhi i muzikës së Kilar, së bashku me karakterin e tij fisnik, do t’i mbijetojnë kohës. Kilar ishte i dashuruar pas kompozimit të simfonive dhe koncerteve dhe ato i konsideronte më të rëndësishme sesa kolonat zanore të filmave. Ai inspirohej nga muzika popullore polake, lutjet fetare dhe himnet dhe padyshim që do të mbahet mend për muzikën e jashtëzakonshme të kompozuar për The Pianist.