Dy persona janë dërguar në mbajtje pasi iu kishin shkaktuar lëndime të rënda trupore dy viktimave meshkuj kosovarë.
Në raportin policor thuhet se të dyshuarit pas intervistimit, me vendim të prokurorit janë dërguar në mbajtje.
Rasti ka ndodhur në Prizren.
Fshati Restelicë i komunës së Dragashit shtrihet në pjesën më jugore të Kosovës, ka më shumë se dy mijë shtëpi banimi me 11 mijë banorë, rreth 70 % e të cilëve kanë mërguar.
Fshati shtrihet pllajave të Parkut Nacional të Maleve të Sharrit dhe punohet vetëm me damper, një mjet i veçantë që i përshtatet terrenit tepër të thyer malor. Jeta është e vështirë, sidomos në stinën e dimrit që zgjatë gjashtë muaj. Ky fshat ka resurse të mëdha për zhvillimin e turizmit.
“Periudha e dimrit në Restelicë është katastrofale, jetohet vështirë, të rinjtë po largohen me të madhe, sidomos pas liberalizimit të vizave, kanë ngelë vetëm pleqt, shumica jo të aftë për punë. Në Restelicë kemi një ambullantë, ku punojnë një mjek dhe dy teknik, kemi shkollë, me 120 deri 150 nxënës, doktori punon pesë ditë të javës , por momentalisht është në pushim”, tha Hajrudin Hoxha teknik medicinal.
Shkolla e Restelicës ka kushte të mjaftueshme për vijimin e mësimit. “Kushtet për punë në këtë shkollë janë shumë të mira, shkolla është e pajisura si të tjerat në gjithë Kosovën, kemi më shumë se 100 nxënës, është e pajisur me nxemje qëndrore dhe funksionon mirë. deri tash furnizimin me libra e kemi pas nga komuna, tash i kemi nga ministria dhe furnizimi është i mirë”, tha për RTK, Salim Karalija, mësimdhënës.
Nuri Hoxha, banor, thotë se ka punuar si blegtor, por tani ka ngelur vetëm me gruan.
“Jetohet si në mal, gjithçka është bosh, nuk ka njerëz, shumica prej tyre janë jashtë, e familja ime djemtë e vajzat janë në Itali”, tha Nuri Hoxha, banor i Restelicës
Braktisja e fshatrave të komunës së Dragashit është rritur shumë pas liberalizimit të vizave thotë edhe kryetari i kësaj komune Behxhet Xheladini
Restelica në shkurt të vitit 2012 u godit nga një tragjedi natyrore, ku humbën jetën 10 persona të një familjeje.
Që nga ajo kohë dimrat në këtë fshat janë më të butë, por gjithsesi duhen përgatitje të mëdha për të hyrë në stinën e dimrit. Trashësia e borës për këtë vit nuk i ka kaluar 60 cm, për dallim prej shumë viteve më parë kur arrinte mbi një metër./RTK /
Në Prizren do të organizohen disa aktivitete për 16 vjetorin e Pavarësisë së Kosovës.
Drejtori për Kulturë, Rini e Sport, Adem Morina, njofton se aktivitetet do të fillojnë me paradën e pavarësisë nga nxënësit e shkollave në stadiumin “ Përparim Thaçi” dhe do të përfundojnë me koncertin e lirisë nga grupe muzikore dhe këngëtarë mbrëmjen e së shtunës në sheshin “Shatërvan”.
Morina, ka ftuar qytetarët që të marrin pjesë në këto aktivitete, kushtuar ngjarjes më të rëndësishme të historisë sonë më të re, shpalljes së Pavarësisë së Kosovës.Tv Prizreni
Dy të dyshuar janë arrestuar nga policia për vepren penale “Vrasje në tentativë”.
Rasti ka ndodhur mbrëmë në Prizren rreth orës 23:00, në një Rent a Car (biznes i dhënies së veturave me qira).
Kjo u konfirmua për Klankosova.tv nga Shaqir Bytyqi, zëdhënës i policisë për rajonin e Prizrenit.
Bytyqi tha se tha se mosmarrëveshje rreth dhënies së një veture me qera.
“Dy të dyshuar (klientë) i kanë sulmuar dy persona, njëri nga ata ishte punëtor i kompanisë për dhënien e automjeteve me qera”, tha ai.
“Gjatë përleshjes njëri nga të dyshuarit i ka goditur me thikë viktimat”, theksoi Bytyqi për Klankosova.tv
Kryetari i Aleancës për Ardhmërinë e Kosovës (AAK), Bajram Kastrati ka pritur në takim kryetarin e Vetëvendosjes, Artan Abrashi.
Në këtë takim është biseduar lidhur me ngritjen e bashkëpunimit ndërmjet subjekteve politike në asamblenë komunale të komunës së Prizrenit.
“Duke mos dashur që Prizreni të bllokohet për shkak të mos funksionimit të asamblesë komunale dhe duke pasur parasysh nevojën për ndaljen arrogancës në qeverisje ku kërkesat e asamblistëve nuk merren parasysh porse shfrytëzohen vetëm si mekanizëm votues, kemi parë të rrugës të kemi këtë takim lidhur me koordinimin e veprimeve opozitare në kuadër të asamblesë komunale të Prizrenit, në të mirë të qytetarëve të komunës së Prizrenit”, thuhet në komunikatën e AAK-së.
“Aleanca për Ardhmërinë e Kosovës – dega në Prizren, shpreson që në bashkëpunim me subjektet politike në asamblenë komunale të Prizrenit, të ndërtoj një opsion real për qeverisjen, që garanton sundim të ligjit, zhvillim ekonomik dhe perspektivë për qytetarët e komunës së Prizreni”.
Skuadra e Suharekës është e vendosur që në edicionin tjetër të garojë në elitën e futbollit kosovar.
Aktualisht ndodhet në vendin e dytë në Ligën e Parë, Grupi A me 23 pikë, shtatë më pak se Dinamo që është në pozitën e parë. Direkt në Superligë inkuadrohet vetëm ekipi që përfundon në vendin e parë, kurse i dyti luan në barazh.
Trajneri Arsim Thaqi, mendon se skuadra që ai drejton, është i gatshëm për të startuar në kampionat.
“Besoj që tashmë ekipi është i gatshëm që të startojë edhe në kampionat. Edhe ndeshja e Kupës dëshmojë se Suhareka këtë vit ka një ekip cilësor dhe ka karakter brenda skuadrës. Shpresojmë që gjërat të shkojnë në favorin tonë dhe në fund të arrijmë objektivin”, tha Thaqi.
Sipas tij, kombinimi i lojtarëve të rinj me ata që kanë përvojë, do ta sjellë suksesin.
Thaqi zgjedh Superligën para Kupës dhe të gjitha ndeshjet i cilëson si finale.
“Nëse më pyesni, do ta zgjodhi Superligën para Kupës, por duke e ditur numrin e mjaftueshëm të lojtarëve që kemi, do të provojmë që ti japim më shumë mundësi lojtarëve për me zhvillu ndeshje. Janë 13 ndeshje të kampionatit që për ne janë 13 finale”, deklaroi Thaqi.
Edhe futbollisti me përvojë të madhe, Yll Hoxha, deklaroise Suhareka është e gatshme që të luftojë për të arritur synimet.
Hoxha theksoi se do të japin më të mirën edhe në Kupë.
“Mendoj që skuadra dita e ditës po e merr formën, sidomos pas ndeshjes në Kupë që patëm. Për neve kalimi në çerekfinale është historike për klubin. Po japim maksimumin në stërvitje dhe njëjtë do të japim edhe në ndeshje. Në çdo ndeshje do të hyjmë për fitore. Do të provojmë që të shkojmë në finale dhe pse jo edhe ta fitojmë Kupën”, u shpreh Hoxha
Suhareka që fazën përgatitore e ka kryer në Antalia të Turqisë, ndodhe edhe në çerekfinale të Kupës së Kosovës, ku të mërkurën do ta mësojë kundërshtarin e kësaj faze. /Dukagjini/
Lidhja Demokratike e Kosovës(LDK) ka reaguar për bllokimin e pjesshme të rrugës kryesore “Ibrahim Rugova” në Prizren.
Sipas këtij subjekti politik në këtë rrugë është intervenuar para du vitesh.
“LDK-ja kërkon nga Prokuroria Themelore, të cilët nuk janë më larg se 10 metra nga vendi ku po zhvillohen këto punime, që të nisin hetimet sipas detyrës zyrtare, për mbrojtjen e taksave të qytetarëve dhe interesit publik”, thuhet në reagimin e LDK-së në Prizren .
“Ju kujtojmë se në vitin 2022, gjithë rrethi unazor i qytetit që kap gjatësinë rreth 3 kilometra, ku përfshihet edhe kjo pjesë e rrugës, ishte shtruar me asfalt të ri”.
“Shaqir Totaj dhe rrethi i tij, thurnin lavde dhe elozhe kësaj pune. Pa kaluar as 2 vite, e njëjta rrugë bllokohet për vendosjen e gypave të kanalizimit”.
“Për LDK- në, kjo qasje nuk ka emër tjetër pos keqmenaxhim, keqplanifikim, abuzim dhe zhvatje të parasë publike”./PrizrenPress.com/
I njëjti ka bërë te ditur për “Betimi për Drejtësi” se po ashtu gjykata do të vlerësoj se a do të përmbushen-plotësohen kushtet që po atë ditë të bëhet shpallja e sanksionit dhe lartësia e dënimit për të akuzuarin i cili sot u shpall fajtor.
Në aktakuzën e Prokurorisë Themelore në Gjakovë thuhet se Besart Gashi, në cilësi të personit zyrtar në Qendrën për Regjistrimin e Automjeteve në Komunën e Malishevës, ka bërë shkelje ligjore në 623 raste të regjistrimeve të automjeteve, duke i shkaktuar dëm në vlerë prej 5 mijë e 700 euro Komunës së Malishevës.
Nesër, në Spitalin e Përgjithshëm “Prim.Dr. Daut Mustafa”në Prizren do të bëhet përurimi dhe lëshimi në funksion i Rezonancës Magnetike (MRI), e cila është vendosur në hapësirat e shërbimeve radiologjike.
Përurimi bëhet në orën 12.00,
Në përurim do të marrin pjesë edhe kryeministri i Kosovës, Albin Kurti, Ministri i Shëndetësisë, dr. Arben Vitia, dhe Drejtori i SHSKUK-së, Mr.Ph. Elvir Azizi.
Personi i dyshuar për therje me thikë të dy personave gjatë ditës së djeshme, 12.02.2024, në Prizren, gjendet ende në arrati.
Lajmin për KALLXO.com e ka konfirmuar zëdhënësja e Prokurorisë Themelore në Prizren, Fitore Mehmeti.
“Ju njoftojmë se lidhur me rastin, i dyshuari gjendet në arrati”- ka thënë zëdhënësja Mehmeti.
“Prokuroria Themelore në Prizren në bashkëpunim me Policinë e Kosovës janë duke ndërmarrë veprime operative dhe hetimore për arrestimin e të dyshuarit”- tha Mehmeti.