Rreth orës 01:46, në rajonet e jugut të Kosovës, janë ndje dridhje të tokës.
Bëhet fjalë për një tërmet me magnitudë 4.2 që ka afektuar Kosovën. Shqipërinë e Maqedoninë e Veriut.
Sipas të dhënave nga earthquake.usgs.gov, dridhjet e fuqishme janë dëgjuar më së shumti në rajonin e Dragashit, dy kilometra nga Zhuri.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Trepça ka kaluar në gjysmëfinale të Kupës së Kosovës në basketboll.
Mitrovicaist fituan me rezultat të thellë, 95:61, ndaj Proton Cable Prizrenit.
Erjon Kastrati realizoi më së shumti pikë tek të Gjelbrit, 14 sosh.
Në anën tjetër, Darryl Jordan te Prizreni pati 16 pikë, më së shumti tek ta dhe në ndeshje.
Një bomb kaset është gjetur në oborrin e një kompanie në Krushë të Vogël të Prizrenit.
Kështu ka bërë të ditur zëdhënësi i policisë, Shaqir Byqtyqi i cili tha se nga pamjet mjeti dyshohet se ka mbetur nga lufta e fundit.
“Me datën 11.12.2024 rreth orës 14:30 nëpërmes telefoni policia është informuar se në oborrin e një kompania në Krushë të vogël, Prizren (ish-“podrumi i verës”) dyshohet së gjatë punimeve me ekskavator është gjet një mjet eksploziv i pa shpërthyer. Nga pamja mjeti duket të jetë një “bomb kaset” e mbetur nga lufta e fundit.
Ai ka thënë se njësiti i deminimit ka dal në vendngjarje dhe ka udhëzuar që të mbyllen të gjitha rrugët që dërgojnë në atë drejtim ngase mjeti eksploziv është vlerësuar si mjet shumë i rrezikshëm “bomb kasetore antitank”.
“Policia ka dal në vendngjarje dhe ka siguruar vendin. Njësitet përkatëse policore kanë ndërmarrë te gjitha veprimet e nevojshme. Lidhur me rastin dhe gjithashtu është informuar edhe njësiti deminimit të FSK -s. Pasi që është siguruar rrethina mjeti eksplozivë është plasur ( shpërthyer) në vendngjarje pa ndonjë incident“, ka deklaruar ai.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Kryetari i Partisë Demokratike të Kosovës, Memli Krasniqi ka prezantuar listën e kandidatëve të PDK-së për deputetë për zgjedhjet e përgjithshme të 9 shkurtit.
Lideri i PDK-së, përmes një video-adresimi, është shprehur se lista e PDK-së nuk paraqet vetëm emra, por një ekip fitues me vizion për të ardhmen, të përkushtuar për një Kosovë ma të mirë.
“Mbi 50% e listës së kandidatëve tanë janë pjesë e garës për herë të parë, duke sjellë energji dhe ide të reja në misionin tonë. Dua të shpreh falënderimet e mia më të sinqerta për të gjithë ata që janë pjesë e kësaj liste dhe për ata që kanë shprehur gatishmërinë për të kontribuar, qoftë edhe në mënyra të tjera të rëndësishme”, tha Krasniqi.
Krasniqi theksoi se suksesi i PDK-së në zgjedhjet e 9 shkurtit është i garantuar me këtë listë të prirë prirë nga kandidati për kryeministër, Bedri Hamza.
“Përkushtimi dhe mbështetja juaj janë të pazëvendësueshme për Partinë Demokratike të Kosovës. Urime të gjithë kandidatëve tanë! Duke mbështetur njëri-tjetrin dhe të prirë nga kandidati ynë për kryeministër, Bedri Hamza, suksesi ynë është i garantuar. Faleminderit, dhe le ta fitojmë këtë betejë së bashku!”, shtoi ai.
Marketing
Përjetoni pushime të paharruar dhe dasma magjike në Hotel “Albes Residence”
Derbi i madh mes Rahovecit dhe Kastriotit zhvillohet të enjten nga ora 19:00 në palestrën “Mizahir Isma”.
Ndeshja në mes të kampionit aktual, Rahovecit, dhe fituesit të Kupës, Kastriotit, i takon xhiros së 11-të të Superligës së Kosovës në hendboll. Kjo ndeshje u shty për shkak të angazhimeve evropiane të klubit rahovecas.
Të dy skuadrat synojnë fitoren, ndërsa pritet përballje e fortë dhe lojë cilësore nga fillimi e deri në fund.
Në Ferizaj, në kuadër të xhiros së katërt, Rahoveci kishte fituar me rezultat 39:35.
Rahoveci ka fituar 11 ndeshjet e deritashme dhe udhëheq në tabelë me 22 pikë. Kastrioti është i treti me 18 pikë, sa i ka edhe Besa Famgas në pozitën e dytë, por me një ndeshje më shumë./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Kryetari i LDK-së, Lumir Abdixhiku ka publikuar listën tashmë zyrtare të kandidatëve të këtij subjekti për zgjedhjet e 9 shkurtit.
Siç dhe ai konfirmon, e njëjta është dorëzua tashmë sot për certifikim edhe në Komisionin Qendror Zgjedhor.
Ai shprehet madje opitmist, se kjo është lista fituese e zgjedhjeve të ardhshme parlamentare.
”Lista fituese e zgjedhjeve të 9 shkurtit, e dorëzuar tashmë në Komisionin Qendror të Zgjedhjeve.
Zoti e bekoftë Kosovën!
Zoti e bekoftë Lidhjen Demokratike të Kosovës!
#BËHUNDRYSHIMI”
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Koalicioni AAK-NISMA-Konservatorët-E3 dhe Ideal e kanë dorëzuar në KQZ listën prej 110 kandidatëve për deputetë.
Bartës i kësaj liste është kryetari i AAK-së, Ramush Haradinaj, që është edhe kandidat i këtij koalicioni për kryeministër, teksa numër dy është kryetari i Nismës, Fatmir Limaj.
Ajo që bie në sy në listën e kandidatëve për deputetë nga ky koalicion është përfshirja e Isni Kilajt, i cili e mban numrin 29, kandidat i propozuar nga Nisma. Isni Kilaj javën e kaluar është arrestuar nga Gjykata Speciale dhe aktualisht po mbahet në paraburgim.
“Me politikanë me përvojë, pjesëtarë nga shoqëria civile, njerëz të dëshmuar në udhëheqje e në sektorë jetikë për vendin, janë garanca më e fortë e përfaqësimit të zërit të qytetarit në Kuvendin e Kosovës”.
“Të fokusuar në cilësinë e një përfaqësimi sa më dinjitoz, gjinor, rajonal e sektorial, Lista e Koalicionit të udhëhequr nga kandidati për Kryeministër dhe bartës i listës, Ramush Haradinaj, është Listë për Kosovën Fituese”, thuhet në njoftimin e AAK-së.
Dhjetësha e parë e kësaj liste përbëhet nga Ramush Haradinaj, Fatmir Limaj, Time Kadriaj, Ardian Gjini, Nuredin Lushtaku, Albana Bytyqi, Pal Lekaj, Bekë Berisha, Xhevahire Izmaku dhe Besnik Tahiri.
Marketing
Përjetoni pushime të paharruar dhe dasma magjike në Hotel “Albes Residence”
Enver Sulaj
(Përkujtim)
Nuk e kam asnjë foto
Për me i pa edhe nji herë andrrat tua
E me u gëzue bashkë si fëmijë.
Fyellit s’i bie ma kush
As nana nuk të kërkon në oborr…
Me t’i lëmue flokët
Me t’i puthë sytë
E me të tregue se ishe ma i zoti ndër ne.
Truni s‘asht ma aq i kthjellët
Me i dallue ngjyrat tua
që atë ditë me shi
u shkrinë me dheun…
e sjellin mall
e dhembje ashti.
Ti s’arrite me u thinjë si unë
E me pa çka i ban malli njeriut.
Dhjetor, 2024
Kapitenia e ekipit kombëtar të vajzave të Kosovës në basketboll dhe basketbollistja e njohur e KBF Bashkimit, Arbnore Përquku, ka ndarë emocionet dhe përjetimet e saj për lidhjen e veçantë me këtë sport, duke e përshkruar si “abetaren” e jetës së saj.
“Basketbollin për mua do ta përshkruaja si abetare, pasi është sporti me të cilin jam rritur dhe vazhdoj ta luaj me pasionin më të madh. Që nga fëmijëria, topi i basketbollit ishte ‘lodra’ ime, me të cilën u dashurova në shikim të parë. Falë këtij sporti kam arritur kulminacionin, ku ende qëndroj dhe vazhdoj ta promovoj te gjeneratat e reja”, u shpreh Përquku për Federatën e Basketbollit të Kosovës, përcjell PrizrenPress.
Ajo theksoi ndikimin e jashtëzakonshëm që basketbolli ka pasur në jetën e saj, duke e përshkruar si një sport që i ka dhuruar përvoja të veçanta dhe mundësi të papërsëritshme.
“Basketbolli është i shenjtë për mua, pasi përmes tij kam ndërtuar një karrierë të jashtëzakonshme, qoftë në parket apo jashtë tij. Sukseset, emocionet dhe gëzimet që më ka dhënë basketbolli janë të papërshkrueshme”, shtoi ajo.
Në përfundim, Përquku u bëri thirrje vajzave të reja që t’i bashkohen këtij sporti, duke theksuar ndikimin pozitiv dhe vlerat që basketbolli mund të sjellë në jetën e tyre. Si një lidere në fushë dhe jashtë saj, ajo mbetet një shembull frymëzues për të rinjtë që synojnë të ndjekin pasionin për sportin./PrizrenPress.com/
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
Grupi legjendar “Djemtë e Detit”, i njohur për ndikimin e tij në muzikën shqiptare në fillimet e viteve ’90, do të rikthehet në skenën e Festivalit të 63-të të Këngës në RTSH pas gati çerekshekulli mungesë.
Kënga e tyre e re, e titulluar “Larg”, me tekst të aktorit dhe poetit të njohur Timo Flloko dhe e kompozuar nga Valentin Markvukaj, përmban një dedikim për Shqipërinë dhe ndjenjën e mallëngjimit për atdheun. Për grupin, rikthimi në këtë festival është një kthim në origjinë, pasi debutimi i tyre ndodhi pikërisht në këtë skenë.
“Fillimet e karrierës së grupit ‘Djemtë e Detit’ janë në festivalin e Radiotelevizionit Shqiptar dhe, po t’i referohemi daljes në skenë për herë të fundit, për ne si grup ka qenë në vitet ’99-2000. Ka qenë kjo dalja e fundit në festival, me këngën ‘Kohë pa ty,’” tha Markvukaj në një intervistë për “Liberale.al”. Ai e përshkruan rikthimin si diçka “natyrale” dhe shton: “Në një farë mënyre, është sikur rikthehemi aty ku e lamë sërish.”
Megjithatë, ky rikthim do të ndihet i paplotë për shkak të mungesës së vokalistit të ndjerë Gent Demaliaj. “Patjetër që mungesa e Gentit ndihet në skenë, fizikisht edhe shpirtërisht. Pasi është hera e parë që ne do të dalim në atë skenë pa Gentin. Por e tillë qenka jeta,” theksoi Markvukaj.
Kompozitori, i cili ka jetuar në Australi për gati tre dekada, ndan emocionet e tij përmes këngës dhe dedikimit për vendlindjen. “Unë si kompozitor i këngës jetoj në Australi dhe kam gati 28 vjet që e kam lënë vendin. Por malli shtohet dhe akumulohet, prandaj edhe interpretimi është një lloj reflektimi i asaj çfarë unë ndjej, pra mallin që kam për vendin tim, për Atdheun, për Shqipërinë”, tha ai.
Festivali i 63-të i Këngës në RTSH, që do të mbahet nga 19 deri më 22 dhjetor në Pallatin e Koncerteve, pritet të sjellë 30 artistë pjesëmarrës, ku njëri prej tyre do të përfaqësojë Shqipërinë në Eurovision 2025. Mes artistëve të rinj, “Djemtë e Detit” mbeten një simbol i nostalgjisë dhe profesionalizmit.
“Falë adhuruesve tanë, jemi këtu ku jemi,” tha Markvukaj. “Ndërsa për brezin e ri mund të themi që është një brez që ballafaqohet me disa stile të tjera muzikore. Por rinia di gjithnjë të ‘fluturojë’ dhe të shikojë diçka të bukur, diçka të veçantë. Shpresojmë që të shikojë diçka profesionale edhe këtë herë, sepse në fund të fundit ajo ka rëndësi, profesionaliteti”.
Ai përshkroi emocionet e rikthimit në Shqipëri, duke theksuar zhvillimin e vendit: “Shqipërinë e gjej gjithmonë e më mirë. Po të jetoja këtu, ndoshta do të shihja problemet ditore. Kur kthehem shoh anën tjetër, zhvillimin, avancimin e Shqipërisë. Dhe gëzohem shumë kur e shoh gjithmonë e më mirë, gjithmonë e më të zhvilluar vendin tonë”.
Rikthimi i “Djemve të Detit” është pritur me shumë entuziazëm dhe konsiderohet si një nga surprizat më të mëdha të festivalit, duke rikthyer jo vetëm hijeshinë e tij, por edhe emocionet e artdashësve që ndjekin karrierën e grupit prej dekadash./PrizrenPress.com/
