Granit Xhaka ka ndërruar mendje sa i përket numrit të fanellës te Arsenal.
Ai tash do të bartë numrin 29 në shpinën e tij, shkruan Goal.com.
Mesfushori është bashkuar me klubin për vlerën prej 35 milionë funtave një javë më parë.
Ai u tha se në Emirates do të bartë numrin 16, numër që deri tash e ka bartur Aaron Ramsey, i cili tash ka 8-shin te skuadra londineze.
Këtë të martë është raportuar se Real Madrid ka përgatitur një ofertë për mbrojtësin e Bayern Munich, David Alaba.
Por është klubi gjerman që është përgjigjur menjëherë ndaj Los Blancos për austriakun.
Kështu ata kanë refuzuar ofertën e Kampionit të Evropës, edhe pse ajo në vete barte vlerën prej 50 milionë euro, shkruan AS.
Vokalistja e grupit të famshëm britanik Florence and the Machine bëri një ditë tejet të lumtur për njërën nga fanset e saj më të mëdha.
Florence Welsh performoi për Karinya Chen pranë shtratit në spitalin e Teksasit ku 15-vjeçarja prej muajsh është e shtruar pasi vuan nga kanceri.
E shoqëruar në kitare nga Rob Ackroyd, Florence këndoi për fansen e saj disa nga hitet si “Shake it out” dhe “Dogs days are over”.
Karinya Chen kishte prerë biletën për të ndjekur nga afër koncertin e idhullit të saj në Austin, por fatkeqësisht mjekët i thanë se ishte tepër e sëmurë për të shkuar atje. Ishte vetë stafi i spitalit që organizoi këtë surprizë të veçantë për vajzën.
“Përjetuam emocione të bukura, muzikë të mirë dhe lot pikëllimi e gëzimi, shpresë dhe dashurie bashkë, ku një gjest kaq i thjeshtë dhe i vogël i bëri gjërat të duken më mirë”, ka thënë Chen.
Edison Ypi
Ne budallenjtë kemi bindjen se toka rrotullohet rreth diellit. Ju të squtët thoni të kundërtën, se dielli rrotullohet rreth tokës. S’do mend që keni të drejtë ju që u besoni më tepër syve se librave, dhe jo ne budallenjtë, që u besojmë më tepër librave se syve, që ju dalshin.
Ne budallenjtë në takim me ju inteligjentët, vijmë gjithmonë disa minuta para. Ju qerratenjtë, në takim me ne budallenjtë, vini gjithmonë me vonesë. Ky problem me budallenj gjithmonë korrektë dhe të squtë gjithmonë të vonuar, si problem i përbotshëm dhe i përjetshëm që kurrë s’ka për t’u zgjidhur, nuk na mërzit aspak. Përkundrazi, na jep zemër që, si budallenj që jemi, të vazhdojmë t’ju presim të vini në orën e caktuar për të bërë atë që ju të squtët e keni më për zemër, një vërë në ajër.
Ne budallenjtë themi atë që mendojmë dhe besojmë atë që na thoni. Ju skilet tjetër mendoni, tjetër thoni, dhe nuk e besoni atë që ne budallenjtë ju themi. Për këtë meritoni me ua nxjerr sytë me pirunët që përdorni për të ngrënë imambajalldinë e trillimit, sajuar me copa dhjami deliri, kripë intrige, vaj pabesie.
Ne budallenjtë kemi bindjen se Laçi është më afër se Lezha. Ju thoni se Lezha është më afër se Laçi. Meqenëse ne nisemi nga Tirana, ju niseni nga Shkodra, habia është e jona, e drejta është e juaja. S’ka problem pse dredhoni. Veç aman, ngado që të niseni, mos na thoni se Turqia është më afër se Italia.
Ne budallenjtë e dimë se media që bën vetëm propagandë, partisë që e ysht, jo vetëm nuk i shton asnjë, por i rrezikon edhe ata që ka. Mirëpo, përderisa këtë e themi ne budallenjtë, ju me të drejtë nuk e besoni. Vazhdoni të mos besoni, por mos u ankoni kur të humbni.
Ne budallenjtë kemi bindjen e patundur se biznesmenët, ata që mbajnë në këmbë ekonominë dhe nuk na lënë të ngordhim, janë kocka, palca e kombit, janë ata që duhen favorizuar, ndihmuar, ruajtur si sytë e ballit, ndërsa proletarët janë turma që duhet ta gjejë vetë mënyrën për të mbijetuar. Ju vazhdoni të mendoni të kundërtën. Veç mos u habisni kur proletarët, sipas përvojës së kurvit, pasi të kenë vënë pas muri biznesmenët, të zbresin në shesh të zhvatin gjithçka pa bërë asgjë.
Ne budallenjtë e kemi të qartë se analistët televizivë të së enjtes mbrëma, nuk janë asgjë tjetër përpos pararoja e dallavereve dhe hajdutllëkut, muret rrethues, bedenat, ledhet, kazanët e ziftit, katapultat e kështjellës së politikës, që bëjnë çmos ta bëjnë atë kështjellë të pamposhtur. Ju këtë bëni sikur nuk e kuptoni. Ju raftë pika. Juve dhe atyre.
Neve budallenjve, po pamë një fshat pa tym mbi oxhakë, na vete mendja se ai fshat nuk ndez zjarr sepse nuk ka mish për ta pjekur. Ju thoni se një fshat i tillë, mish ka, por nuk ka dru për të ndezur zjarr. Meqenëse ne budallenjtë çeku vemi nëpër fshatra, ndërsa ju çfarë ndodh nëpër fshatra e keni me të dëgjuar, rebusin me mish e zjarr nuk e zgjidhim dot, këtë muhabet po e lëmë këtu.
Ne budallenjtë përdorim nja treqind fjalë kur flasim dhe nja dy mijë kur shkruajmë. Ju as flisni, as shkruani. Nuk është problem. Derisa të mësoni ca fjalë ju të squtët, do vazhdojmë të dërdëllisim ne budallenjtë.
Ne budallenjtë që nuk kemi asgjë, nuk prodhojmë asgjë, nuk fitojmë asgjë, dhe rrjedhimisht s’kemi çfarë fature tatimore të japim, faturën tatimore që na jepet për çikërrimat që blejmë, gjithmonë e marrim. Ju që keni gjithçka, faturë tatimore as nuk merrni, as nuk e jepni. Zoti ju ruajt.
Ne budallenjtë nuk vjedhim. Ju vidhni. As kësaj s’kemi ç’i bëjmë. Po të vidhnim ne, budallenj do ishit ju.
Ne budallenjtë lexojmë poezi. Madje ka ndër ne budallenjtë, ca super budallenj që poezitë i dinë përmendësh. Kjo tablo nuk është aq dramatike sa duket. Poezitë më të bukura për ne, janë ato që flasin për dallimin kolosal mes jush dhe nesh. Kurrë mos u prishtë kjo magji.
Ne budallenjtë ju bëjmë femrave komplimente, pra fillimisht u vijmë rrotull e rrotull, dhe goditjen e qejfit e bëjmë të plotë. Ju të plotë bëni fillimin e heshtur, qejfit i vini rrotull e rrotull.
Ne budallenjtë nuk ikim nga Shqipëria. Ju ikni. Mirë bëni që ikni. Veç një gjë duhet të dini, nëse do vazhdoni të ikni, shpejt vjen një ditë kur ne budallenjtë që tashpërtash jemi pakicë, do bëhemi shumicë.
Kur të ndodhi kjo, meqenëse shumicë budallaqe s’ka, të squtë do bëhemi ne budallenjtë që rrimë, ndërsa budallenj do bëheni ju të squtët që ikni.
Ne budallenjtë e dimë që era, shiu, breshëri, toka, qielli, malet, kodrat, lumenjtë, përrenjtë, të gjitha janë të inteligjentëve, por bota është e budallenjve.
Kryetarit të Komunës së Prizrenit, Ramadan Muja, i ka dështuar tenderi që e kishte kurdisur për të favorizuar një kompani të caktuar në kundërshtim me ligjin.
Në tenderin për “Renovimin e shtëpisë së malorëve në Kopanovadë”, Agjencia Kundërkorrupsionit i ka kërkuar Komunës së udhëhequr nga Muja, anulimin e tenderit për shkak të shkeljeve ligjore.
“Agjencia KundërKorrupsion ka identifikuar, këtë aktivitet si lëndë për trajtim. Gjatë shqyrtimit të dokumentacionit në dispozicion për këtë procedurë, të prokurimit në njoftimin për kontratë dhe dosjen e tenderit Agjencia ka hasur në kritere që janë në kundërshtim me ligjin për Prokurimin Publik”, thuhet në vendimin e AKK-së.
Derisa në shqiptimin e vërejteve ndaj komunës, thuhet se janë gjetur një varg shkeljesh, si ajo që materialet e ndërtimit duhet të jenë të të njejtit prodhues, furnizimi transportimi dhe montimi i dritareve prej drurit duhet të jetë prodhim slloven.
E për këtë shkelje AKK, thotë se Komuna e Prizrenit, duhet ti ndërpres praktikat e tilla në të ardhmen. /Gazeta Fjala/
Nga Zafir Berisha
Të nderuar miq, anëtar dhe simpatizantë të BD/së,
Para gjashtë viteve të pakënaqur me rrjedhat politike dhe zhvillimore në vend e veçanërisht në Prizren u bëmë bashkë për t’i dhënë një mendim dhe veprim të ri jetës politike sepse partitë në Kosovën kishin mungesë të dijeve, vizionit dhe vullnetit politik:
Nuk arritën të ndërtojnë shtetin e së drejtës dhe të konsolidojnë demokracinë në Kosovë.
Nuk arritën të garantojnë zgjedhje të lira e demokratike.
Nuk arritën të sigurojnë zhvillim të qëndrueshëm ekonomik.
Nuk arritën të ndërtojnë administratë efikase dhe profesionale.
Nuk arritën të zhvillojnë sistem arsimor, shëndetësor dhe shërbime të tjera primare.
Arsyet që u bëmë bashkë atëherë vazhdoi të jen evidente edhe sot, prandaj ne kem obligim moral e qytetar përballë të kaluarës ton të lavdishme dhe të ardhmes së fëmijve tan që ti vazhdoim përpjekjet tona për një jet më të mir dhe të dinitetëshme.
Angazhimi i mëtutjeshëm politik dhe organizativë në NISMA për Kosovën është vazhdimsi e punës dhe përpjekjeve që kemi bërë bashkartisht deri më sot.
Pavarsishtë sfidave që na dalin para, ne do të vazhdojmë me vendosmëri në arritjen e objektiva dhe synimeve tona që ti bëjm qytetarët të ndihen krenar në vendin ton.
Kosova, sot ka nevojë për qytetarë të vetëdijshëm të cilët nuk i nënshtrohen presioneve dhe shantazheve të krimit të organizuar në pushtet dhe për këtë duhet guxim qytetarë e intelektual sepse fati i vendit dhe e ardhmja e fëmijëve tanë nuk guxon të mbetet në duart e parapolitikave të partive në koalicion të cilët e kanë kapur shtetin.
Bashkërisht mundemi…
Me respekt
Zafir Berisha
Në Prizren sot janë anëtarësuar mbi 400 anëtarë të rinj në Partinë Demokratike të Kosovës.
Në mesin e tyre ka pasur edhe aktivist të Vetëvendosjes që i janë bashkuar partisë që tash udhëhiqet nga Kadri Veseli.
Në këtë konferencë që kishte organizuar PDK-ja ishte edhe kryetari i PDK-së, Kadri Veseli. Ai tha se është krenar që ka kaq interesim që t’i bashkëngjiten PDK-së, duke shtuar se partia që ai udhëheq ka edhe përgjegjësi.
“Shumë urime për 400 anëtarët që iu bashkuan PDK-së. Si kryetar i PDK-së e ndiej vetën shumë krenar por edhe përgjegjës, kur njerëz të ri si sot i bashkëngjitën qëllimit politik të PDK-së. PDK e ka për obligim ta ndryshoj Kosovën, ky është ai mesazhi që të gjithë qytetarët dëshirojnë ta dërgojnë. Kosova do të zhvillohet ekonomikisht dhe do ta përmirësoj ambientin e investimeve”, ka thënë Veseli nga selia e PDK-së në Prizren./Indeksonline/
Kryetari i PDK, Kadri Veseli, ka takuar sot në Prizren, deputetët e komunitetit turk dhe boshnjak, që vijnë nga regjioni i Prizrenit.
Veseli, bashkëbisedoi me deputetët e komuniteteve dhe vuri në dukje vlerën e bashkëjetesës, tolerancës dhe mirëkuptimit duke theksuar se kjo vlerë e Prizrenit është edhe vlerë e vendit tonë.
“Kjo vlerë e tolerancës dhe respektimit të ndërsjellë, tashmë ka fuqizuar edhe subjektet tona politike në nivel lokal dhe qendror. Andaj, qëllimet tona të përbashkëta për mirëqenie ekonomike, shtet ligjor dhe integrimit euro-atlantik, me këtë lloj bashkëpunimi, realizohet më shpejtë dhe më sigurtë”, theksoi kryetari Veseli.
Sot në orët e paradites në shkollën “Hasan Prishtina” të fshatit Semetisht të Suharekës është përleshur drejtori i kësaj shkolle me një arsimtare.
Nxënësit e shkollës kanë thënë për Theranda Postin se arsimtarja me inicialet Z.B. është përleshur me drejtorin e shkollës, Hamdi Bytyçin. Përleshja ka ndodhur në ambientet e shkollës. Rastin është duke e hetuar Policia e Kosovës.
Kryetari i Bashkimit Demokratik (BD), Zafir Berisha, ka nënshkruar marrëveshjen e bashkimit të partisë së tij politike me Nismën për Kosovën, të cilën e drejton Fatmir Limaj.
Me nënshkrimin e kësaj marrëveshje tani e tutje të gjitha strukturat e partisë politike Bashkimi Demokratik do të veprojnë në kuadër të strukturave të Nismës për Kosovën, raporton gazeta “Epoka e re”.
Fatmir Limaj gjatë një konference për medie, ka thënë se bashkimi i subjektit të Zafir Berishës do ta bëjë Nismën më të fuqishme. “Tani e tutje ne do të vazhdojmë të punojmë edhe me fuqishëm deri në rrëzimin e kësaj qeverie”, ka thënë Limaj, duke shtuar se këto dy subjekte politike edhe më herët nuk i ka ndarë asgjë, pasi i ka bashkuar gjithçka.
Kurse, Zafir Berisha ka thënë se bashkimi i kësaj partie me Nismën ka qenë vullnet i gjithë aktivistëve të BD-së.
Ai ka thënë se do të bëjë çdo gjë që Prizrenin t’ia kthej qytetarit.
https://www.facebook.com/fatmirlimaj/videos/10154158430739098/