Rahoveci kërkoi sot lirimin e Ramush Haradinajt nga Franca.
Kryetari i Degës së AAK-së në këtë qytet, Smajl Latifi, tha se ish- kryeministri Haradinaj, po mbahet padrejtësisht në Francë.
“Kërkojmë nga autoritetet franceze që ta lirojnë mënjeherë”, tha latifi në protestën e organizuar në Rahovec.
Kryetar i Komunës, Idriz Vehapi, tha se ndërkaq se, Ramush Haradinaj, asnjëherë nuk i është shmangur drejtësisë.
“Gjithmonë ka dëshmuar luftën e drejtë të UÇK-së”, tha Vhapi. Lirimin e Haradinajt e kanë kërkuar edhe bashkëluftetarët e tij nga ky qytet.
Lideri i AAK-së Ramush Haradinaj, që nga 4 janari është ndaluar nga autoritetet franceze mbi bazën e një urdhërarresti ndërkombëtar të Serbisë, me të cilin akuzohet për krime lufte në Kosovë./TVPZ/