Kuvendarja e VV-së në Prizren, Drita Millaku thotë se AAK-ja në këtë qytet, deri më tash ka luajtur rolin e Anton Çettës.

“AAK në Prizren ka luajtur rolin e Anton Cettës, herë me LDK-në e herë me PDK-në”, ka thënë Millaku në TVPZ.

Sipas saj, AAK-ja, në qeverisjen me PDK-në, nuk ka treguar asnjë rezultat për të mirën e qytetarëve dhe qytetit.

“Asnjë sukses nuk e kemi parë që AAK-ja ka bërë në drejtoritë që udhëheq”.

“AAK-ja është rebeluar vetëm atëherë kur kanë dashur të përfitojnë vende të punës”./PrizrenPress.com/

Kryetari i Nismës në Prizren, Sinan Aliaj thotë se vendimet e kryetarit të Prizrenit,Ramadan Muja nga dita e dënimit janë të pavlefshme.

“Nënshkrimet e Mujës, prej ditës kur është dënuar nga Gjykata në Prizren, janë të pavlefshme”, thotë Aliaj.

“Investitorët po ikin për shkak dënimit të Ramadan Mujës”./PrizrenPress.com/

Kryesuesi i Kuvendit Komunal në Prizren Kujtim Gashi ka vlerësuar pozitivisht rolin e opozitës. Sipas tij, opozita në Prizren deri më tash ka luajtur një rol të rëndësishëm në korrigjimin e pushtetit.

“Opozita po luan një rol aktiv, ku me veprimet e tyre janë munduar të korrigjojnë KK-në”, ka thënë Gashi për TVPZ.

“Roli i tyre shkon në interes të qytetarëve” .

Gashi tha se LDK-ja po luan një rol më të butë të opozitës, për dallim nga VV-ja dhe BD-ja.

“LDK është parti me traditë dhe e dinë se si funksionon pushteti,prandaj edhe është më e butë, kurse VV dhe BD aktivitetet e tyre i zhvillojnë për interesa të partisë”./PrizrenPress.com/

Anëtarja e Kryesisë së LDK-së në Prizren Afërdita Morina-Biffar, për herë të parë ka treguar për përshtypjet që ndërkombëtarët kanë pasur për qeverisjen e Prizrenit nga ish-kryetari Eqrem Kryeziu.

”Nuk dua t’i mbesë borxh ish-kryetarit të Prizrenit, Eqrem Kryeziut,për vlerësimet që kam dëgjuar nga ndërkombëtarët në takimet që kam pasur kur kam punuar si gazetare”, tregon Morina-Biffar për TVPZ.

“Qeverisja e Kryeziut, ka pasur rezultat mbresëlëndëse . Tash ka një kthim mbrama, pasi që kryetari Ramadan Muja me shokë përballet me ligjin. Ata janë të zënë më avokatët e tyre, për seanca gjyqësore”/PrizrenPress.com/.

Kryetari i Komunës së Malishevës, Ragip Begaj, i shoqëruar nga drejtori i urbanizimit, z.Skënder Rrahmanaj, ai i shërbimeve publike z.Milazim Morina dhe përgjegjësi i njësisë së Hidroregjionit në Malishevë, Njazi Bytyçi, janë takuar sot me banorët e fshatit Drenoc, për ti dëgjuar problemet dhe nevojat që kanë banorët e këtij fshati, i cili është edhe vendbanimi më i madh në Komunën e Malishevës.

“Jemi përpjekur të kryejmë punë, me aq sa kemi pasur mundësi financiare, pasi si komunë, kemi një buxhet mjaft të varfër, mirëpo kemi arrit ta ndërtojmë rrjetin e ujësjellësit, pastaj rreth katërmijë metra kanalizim, disa rrugë, fusha sporti për shkollat dhe disa investime tjera. E di që uji nuk mjafton, por jemi duke bërë përpjekje maksimale, që ujësjellësin e fshatit tuaj, ta lidhim me ujësjellësin në Senik, por që edhe aty na kanë disa probleme, pasi dikush qëllimisht i ka dëmtuar puset, mirëpo ne jemi duke i rregulluar dhe besoj që shumë shpejt, do të arrijmë ta rregullojmë këtë dhe sisteme tjera”, tha kryetari Begaj në fjalën e tij.

“Të gjitha programet tona nuk mund të realizohen menjëherë, por ato janë në proces të realizimit dhe në këtë drejtim, edhe për ujësjellës, ne si komunë, i kemi kryer obligimet tona, ndërsa me kanalizim e di që ka problem, jo vetëm në fshatin tuaj, por ne do të vazhdojmë të investojmë në këtë drejtim dhe të gjitha fshatrat, përfshi edhe Drenocin, do të lidhen me derdhjen e kanalizimit, në kolektorin kryesor ujërave të zeza”, tha Begaj.

“Uji për pije dhe kanalizimi, janë dy nevojat më të mëdha për këtë fshat, ku sipas banorëve, edhe pse është i ndërtuar rrjeti ujësjellësit, banorët ende nuk kanë furnizim të rregullt me ujë, ndërsa në disa lagje ujë nuk shkon fare, kurse edhe kanalizimi i fshatit ka nevojë të riparohet në disa vende dhe të zgjatet rrjeti, pasi rreth katër mijë metra kanalizim të ndërtuara, nuk mjaftojnë për nevojat e fshatit, për shkak të madhësisë dhe shpërndarjes që kanë lagjet”, tha kryetari i fshatit Drenoc, Kapllan Krasniqi.

Edhe banorët tjerët ë fshatit, u shprehën për nevojat e tyre, por që ujësjellësi dhe kanalizimi, ishin nevojat më kryesore, për këtë fshat, pasi në disa raste ka edhe keqpërdorime, por kanë shprehur edhe pakënaqësi për menaxhimin e ujësjellësit.

Për çështjen e ujësjellësit, foli edhe përgjegjësi i njësisë së Hidroregjionit në Malishevë, Njazi Bytyçi, sipas të cilit, në shumë raste ka keqpërdorime, të cilat edhe ato kapacitete të ujit, po e pengojnë seriozisht, dhe kërkoi për përkrahje nga banorët, për të evituar problemet, në mënyrë që banorët të kenë ujë, së paku disa orë në ditë, përfshi edh lagjet ku nuk arrin të shkoj uji.

Ndërsa drejtori i urbanizimit, i njoftoi banorët për planifikimet e Komunës së Malishevës, për investime, përfshi edhe Drenocin, ku tha se do të vazhdohet me rregullimin e sistemit të kanalizimit dhe investime tjera/PrizrenPress.com/

Në gjykimin për kontest pronësie, Shyhrete Berisha refuzoi ofertën e kunatit të saj për banesë në Prishtinë.

Berisha, e mbijetuara e masakrës së 26 marsit të vitit 1999 është duke e kërkuar me padi e në gjykatë të drejtën për ta trashëguar shtëpinë ku para luftës jetoi me burrin dhe fëmijët të cilët i humbi gjatë kësaj masakre.

Xhelal Berisha, i kunati i Shyhrete Berishës, i ofroi kunatës së tij banesë në Prishtinë në seancën e 11 gushtit, transmeton kallxo.com.

Atëherë Shyhrete Berisha ishte në Gjermani, ndërsa avokati i saj tha se ofertën për banesë në kryeqytet do ta diskutonte me klienten e tij.

Por Shyhrete Berisha nuk e pranoi këtë ofertë.

“Nuk kam nevojë për banesë në Suharekë apo në Prishtinë, unë e dua vetëm shtëpinë e burrit dhe të fëmijëve të mi, që aty kemi jetuar bashkë. Aty janë kujtimet e fëmijëve të mi, kurrgjë tjetër nuk dua, as nuk e dua 1 euro, e as 1 milion euro nuk i dua, vetëm shtëpinë që është e burrit dhe e fëmijëve të mi dhe të kujtimeve që i kam për fëmijët e mi dhe burrin tem,” tha Berisha.

Në këtë seancë, Naim Qelaj, avokati i Shyhrete Berishës propozoi që të caktohet edhe eksperti financiar, për të vlerësuar kontributin e Shyhrete Berishës në familjen Berisha.

Shpresa Berisha, avokatja e Xhelal Berishës nuk e kundërshtoi propozimin, por mohoi se Shyhretja ka punuar në shtëpinë kontestuese.

Shpesa Berisha (GOPR5618) 00:01-00:13 Avokate

“Asnjë ditë të jetës së saj në familjen Berisha nuk ka pasur asnjë ditë marrëdhënie pune,” tha avokatja Berisha.

Gjykata gjatë seancës caktoi ekspertin financiar që do ta vlerësojë kontributin e Shyhrete Berishës, ndërsa në seancën e 25 nëntorit do të dëgjohen dëshmitarët e propozuar nga pala paditëse.

KALLXO.com po e ndjek vazhdimisht këtë proces gjyqësor.

Policia ka zhvilluar një operacion të kontrollit në lokalet ku zhvillohen lojërat e fatit në Suharekë.

Qëllimi i këtij kontrolli, ishte synim konfiskimi i aparateve ilegal transmeton therandapost.com/