Emigrimi i fëmijëve bashkë me prindërit e tyre në fund të vitit të kaluar dhe sidomos në tremujorin e këtij viti ka shkaktuar mungesa të mëdha të nxënësve në shkolla. Kthimi i disa prej tyre ka shtyrë Ministrinë e Arsimit, Shkencës dhe Teknologjisë së Kosovës (MASHT) që të nxjerrë një rekomandim për të ripranuar nxënësit në shkolla.
Përkatësisht Departamenti për Politikat e Arsimit Parauniversitar ka nxjerrë një rekomandim për rikthimin në proces mësimor të nxënësve që kanë emigruar jashtë vendit.
“Nxënësit e shkollave fillore prej klasës së parë deri në të katërtën, të cilët kanë migruar në gjysmëvjetorin e parë t’iu bëhet e mundur të përmbyllin gjysmëvjetorin e parë në bazë të vlerësimit dhe njohurive paraprake”, thuhet në këtë rekomandim, një kopje të së cilës e ka siguruar dhe “Zëri”…