Një zyrtar i lartë i Koresë së Veriut ka thënë se shteti i tij ka armë bërthamore dhe është i gatshëm t’i përdorë ato në çfarë do kohe.
Hyun Hak Bong, ambasador i Koresë në Britani, në një intervistë për Sky News, ka thënë se qeveria do të përdorte armët bërthamore për t’iu kundërpërgjigjur Amerikës në rast se ajo e sulmon shtetin aziatik.
“Shtetet e Bashkuara nuk e kanë monopolin me armët bërthamore”, ka thënë Hyun.
I pyetur nëse Koreja Veriore është e gatshme të lansojë raketë bërthamore, ai është përgjigjur: “Në çdo kohë, në çdo kohë”.
“Nëse Shtetet e Bashkuara na sulmojnë, ne do të kundërpërgjigjemi. Ne jemi të gatshëm për luftë, për luftë bërthamore”.